الماتى قالاسى مەدەۋ اۋدانىنىڭ №2 اۋداندىق سوتى «قالالىق ۆەتەريناريالىق قىزمەت» شجق مكك ديرەكتورى م. جۇنىسوۆكە جانە وسى كاسىپورىننىڭ مەملەكەتتىك ساتىپ الۋ ءبولىمىنىڭ مامانى ر. جاپارحانعا قاتىستى ۇكىم شىعاردى.
ولار جانۋارلاردىڭ وباسىن انىقتاۋ ءۇشىن تەست-جۇيەلەردى ناقتى جەتكىزبەستەن، ساتىپ الۋعا ارنالعان ءىرى مولشەردەگى بيۋدجەت قاراجاتىن جىمقىرعانى ءۇشىن كىنالى دەپ تانىلدى، دەپ حابارلايدى Almaty-akshamy.kz El.kz-كە سىلتەمە جاساپ.
ولارعا ورتاشا قاۋىپسىزدىك مەكەمەلەرىندە وتەۋمەن 3 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى.
ۇكىم زاڭدى كۇشىنە ەنگەن جوق.