الماتىدا ۆەلوسيپەد باعدارشامدارى ورناتىلادى

3 843 دانا جول بەلگىسى قويىلادى

الماتىدا ۆەلوسيپەد باعدارشامدارى پايدا بولادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

الماتى قالالىق اكىمشىلىك پوليسيا باسقارماسى جول قوزعالىسى قاۋىپسىزدىگىن جاقسارتۋ جانە ءقاۋىپسىز جول ينفراقۇرىلىمىن قۇرۋ بويىنشا اعىمداعى جىلعا ارنالعان جوسپارلارىمەن ءبولىستى. 

جوسپار: 

– بەيىمدەلگىش باسقارۋ رەجيمىندە الماتى قالاسى بويىنشا جقباج قۇرامىنا ەنگىزە وتىرىپ، 30 باعدارشامنىڭ قۇرىلىسىن اياقتاۋ؛ 

– بەيىمدەلگىش باسقارۋ رەجيمىندە الماتى قالاسى بويىنشا جقباج قۇرامىنا ەنگىزە وتىرىپ، 70 باقىلاناتىن جاياۋ جۇرگىنشىلەر وتكەلىنىڭ قۇرىلىسىن اياقتاۋ؛ 

– الماتى قالاسىندا رەتتەۋدىڭ قوسىمشا قۇرالدارى بار 70 رەتتەلمەيتىن جاياۋ جۇرگىنشىلەر وتكەلىنىڭ قۇرىلىسىن اياقتاۋ؛

 – 70 كوشەگە 200 مىڭ شارشى مەتر جول تاڭبالاۋ سىزىعىن سالۋ جوسپارلانۋدا؛

 – 3 843 دانا جول بەلگىلەرىن ورناتۋ جانە قالپىنا كەلتىرۋ. 

– ءاپاتتىق-قاۋىپتى ايماقتاردا 5 مىڭنان استام مەتردەن جول قورشاۋىن ورناتۋ؛

– ارنايى باعانداردى ورناتۋ – 2 مىڭ دانا؛ 

– ۆەلوجولاقتارمەن (ۆەلوجولدارمەن)، ۆەلوسيپەد باعدارشامدارىمەن 65 باعدارشامدى تولىق جابدىقتاۋ.