الماتىدا كۆي بويىنشا ەپيدەميولوگيالىق جاعداي تۇراقتى، قالا «جاسىل» ايماقتا.
الماتىدا تۇراقتى ەپيدەميولوگيالىق جاعدايدى قامتاماسىز ەتۋ ماقساتىندا حالىقتى كۆي-گە قارسى ۆاكسينالاۋ مەن ريەۆاكسيناسيالاۋ جالعاسۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، الماتىدا كۆي بويىنشا ەپيدەميولوگيالىق جاعداي تۇراقتى، قالا «جاسىل» ايماقتا.
«الماتىدا وتكەن جىلدىڭ 1 اقپانىنان باستاپ بيىلعى 23 مامىرعا دەيىن كۆي-گە قارسى ءبىرىنشى كومپونەنتپەن 1 206 418 ادام ەگىلدى، ۆاكسينالاۋدىڭ تولىق كۋرسىمەن 1 163 779 ادام قامتىلدى. سونداي-اق، 23 مامىردا قالادا كۆي-گە قارسى 430 509 ادام ريەۆاكسينالاۋدان ءوتتى»، - دەلىنەدى ۆەدومستۆو حابارلاماسىندا.
سونداي-اق، دەپارتامەنتتەن حابارلاعانداي، قالادا ءقازىر ۇجىمدىق يممۋنيتەت 60،2%-دى قۇرايدى. بۇل تۇراقتى ەپيدەميولوگيالىق جاعدايدى ۇستاپ تۇرۋعا جەتكىلىكسىز (يممۋندىق قابات كەمىندە 80% بولۋى قاجەت). كۆي جۇقتىرۋ ءقاۋپى جوعارى مىنا ادامدار كۆي-گە قارسى قايتا ريەۆاكسينالاۋعا جاتادى:
1) مەديسينا قىزمەتكەرلەرى؛
2) مەديسينالىق-الەۋمەتتىك مەكەمەلەردىڭ كونتينگەنتى مەن پەرسونالى؛
3) كۇشتىك قۇرىلىمداردىڭ قىزمەتكەرلەرى؛
4) پەداگوگتەر؛
5) پەنيتەنسيارلىق (قىلمىستىق-اتقارۋ) جۇيە مەكەمەلەرىنىڭ كونتينگەنتى؛
6) 50 جاستان اسقان ادامدار.
الماتى قالاسىنداعى بارلىق قالالىق ەمحانالاردا QazCOVIDin/قازۆاك، VeroCell، «كوميرناتي» (Pfizer، اقش) سياقتى COVID-19-عا قارسى ۆاكسينالار جەتكىلىكتى مولشەردە بار.
ازاماتتار تۇرعىلىقتى جەرى نەمەسە جۇمىس/وقۋ ورنى بويىنشا اۋماقتىق قالالىق ەمحانالاردا COVID-19-عا قارسى ۆاكسينالاۋ نەمەسە ريەۆاكسينالاۋدان وتۋلەرىنە بولادى.