ۇلتتىق ۇلان وفيسەرلەرىنىڭ كومانديرلىك دايىندىق دەڭگەيىن جوعارىلاتۋ، بولىنىستەردىڭ قىزمەتتىك-جاۋىنگەرلىك مىندەتتەرىنىڭ ساپاسىن ارتتىرۋ جانە باتالون، روتا بۋىنىنداعى ساردارلاردىڭ كاسىپتىك شەبەرلىكتەرى مەن وزىق تاجىريبەلەرىمەن الماسۋ ماقساتىندا 5571 اسكەري ءبولىم بازاسىندا ۇيىمداستىرلعان سايىستىڭ ەكىنشى كەزەڭى اياقتالدى.
الماتى قالاسىنىنىڭ وزىنەن قاتىسقان جانە شىمكەنتتەن، الماتى، جامبىل، قىزىلوردا، جەتىسۋ وبلىستارىنان ات تەرلەتىپ كەلگەن 32 ساردار مەملەكەتتىك-قۇقىقتىق دايىندىق، قىزمەتتىك-جاۋىنگەرلىك قولدانۋ تاكتيكاسى، قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرىلىمدارىنىڭ جالپى اسكەري جارعىسىن بىلۋدەن ب ا ق سىناستى.
سونداي-اق، سايىسقا قاتىسۋشىلار دەنە دايارلىعىنان 100 مەتر، 3 شاقىرىم قاشىقتىققا جۇگىرۋ جانە بەلتەمىردە تارتىلۋ، سونىمەن قاتار ساپتىق دايىندىق پەن كالاشنيكوۆ اۆتوماتىن ۋاقىتقا شاشىپ-جيناۋ، وقجاتاردى وقپەن تولتىرۋ جانە ماكاروۆ تاپانشاسىنان اتىس جاتتىعۋلارىن ورىنداۋ دايارلىعى سىناققا ءتۇستى.
– بايقاۋدىڭ ماقساتى – اسكەري قىزمەتتىڭ مارتەبەسىن كوتەرۋ، وفيسەرلەردى ىنتالاندىرۋ جانە ولاردىڭ كاسىبي شەبەرلىكتەرىن ودان ءارى قاراي جەتىلدىرۋ، وزىق تاجىريبەلەردى تاراتۋ، باتالون، روتا بۋىنىنداعى وفيسەرلەردەن كادرلىق رەزەرۆ قۇرۋ. بايقاۋعا كەلگەن بارلىق وفيسەر تەكسەرىلگەن پاندەر بويىنشا جوعارى دايىندىقتارىن كورسەتتى. جەڭىمپازدار الداعى ۋاقىتتا قىزمەت باسپالداعىمەن جوعارى لاۋازىمعا تاعايىندالۋعا ۇمىتكەرلەر قاتارىنا قوسىلادى، – دەيدى ۇلتتىق ۇلاننىڭ «وڭتۇستىك» وڭىرلىك قولباسشىلىعى قولباسشىسىنىڭ ورىنباسارى پولكوۆنيك كونستانتين قۋاتوۆ.
سايىس جەڭىمپازدارى كەڭەس وداعىنىڭ باتىرى، گۆارديا پولكوۆنيگى باۋىرجان مومىش ۇلى اتىنداعى 5571 اسكەري ءبولىمىنىڭ مادەني-دەمالىس ورتالىعىندا ماراپاتتالدى. سايىس ناتيجەسى بويىنشا باتالون بۋىنىندا «ۇزدىك باتالون كومانديرى» بولىپ 5513 اسكەري ءبولىمىنىڭ باتالون كومانديرى مايور اسەت ورازبەكوۆ تانىلسا، «باتالوننىڭ ۇزدىك شتاب باستىعى» اتاعىن 5513 اسكەري ءبولىمىنىڭ 2 جەدەل ماقساتتاعى باتالون شتاب باستىعى كاپيتان نۇرسۇلتان پازيلوۆ جەڭىپ الدى. ال «باتالوننىڭ ۇزدىك تاربيەشىسى» اتاعىنا 5547 اسكەري ءبولىمىنىڭ جەدەل ماقساتتاعى باتالون كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى كاپيتان ابىلايحان تۇرسىنبايەۆ قول جەتكىزدى. سونداي-اق، روتا وفيسەرلەرى اراسىندا 5514 اسكەري ءبولىمىنىڭ جاۋىنگەرلىك قامتاماسىز ەتۋ روتاسىنىڭ كومانديرى كاپيتان جالعاسبەك تاتايەۆ «ۇزدىك روتا كومانديرى»، 5513 اسكەري ءبولىمى 3 روتا كومانديرىنىڭ ورىنباسارى اعا لەيتەنانت جاسۇلان ازىم «روتا كومانديرىنىڭ ۇزدىك تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى»، جانە 5514 اسكەري ءبولىمى اۆتوموبيل ۆزۆودىنىڭ كومانديرى لەيتەنانت فارحات امانگەلدينوۆ «ۇزدىك ۆزۆود كومانديرى» اتاندى.
ەندى ولار استانادا ۇلتتىق ۇلان باس قولباسشىلىعىندا وتەتىن رەسپۋبليكالىق سايىستا «وڭتۇستىك» وڭىرلىك قولباسشىلىعىنىڭ نامىسىن قورعايتىن بولادى.