الماتىدا ۇزدىك كىتاپحاناشىلار ماراپاتتالدى

بۇگىندە وڭىردە 144 كىتاپحانا جۇمىس ىستەيدى

24 قازان – كىتاپحاناشىلار كۇنى. الماتىدا قىزمەتكەرلەردىڭ ءتول مەرەكەسىنە وراي ۇزدىك ماماندار ماراپاتتالدى، دەپ حابارلايدى اlmaty-akshamy.kz. 

وسى سالادا بىرنەشە جىلدان بەرى جۇمىس ىستەپ جۇرگەندەردىڭ ەڭبەگى ەلەندى. ولار الماتى وبلىسى اكىمى مەن مادەنيەت جانە اقپارات مينيسترلىگى اتىنان العىس حات پەن قۇرمەت گراموتاسىن الدى.

ەسكە سالساق، مەرەكە وتكەن جىلى ۇكىمەت قاۋلىسىنىڭ بۇيرىعىمەن كىتاپحاناشىلار كۇنى بولىپ بەكىتىلگەن ەدى. بيىل ەكىنشى مارتە اتالىپ ءوتىپ جاتىر.

– ءبارى ينتەرنەتكە اۋىسىپ كەتتى، ءبىراق ول ماڭگىلىك ەمەس. ال كىتاپ – رۋحاني ازىق. كىتاپحانا – ءبىلىم شاڭىراعى. تاريح، مادەنيەت، ادەبيەت، شەجىرە كىتاپحانادا ساقتالعان، –دەدى بالقاش اۋداندىق كىتاپحاناسىنىڭ ديرەكتورى ءنۇريا قاپسالانوۆا.

ءىس-شارانى الماتى وبلىستىق مادەنيەت، ارحيۆتەر جانە قۇجاتتاما باسقارماسى ۇيىمداستىرىپ وتىر. بۇگىندە وڭىردە 144 كىتاپحانا جۇمىس ىستەيدى. بيىل 10 جاڭادان اشىلعان. الداعى ۋاقىتتا ايماقتا زاعيپ جاندارعا ارنالعان كىتاپحانا اشۋ جوسپارلانعان. قىزمەتكەرلەر قوسىمشا جۇمىس ورىندارىمەن قامتىلماق.

– قازاقتىڭ قاسيەتتى قارا شاڭىراعى الماتى قالاسىنىڭ تورىندەگى ۇلتتىق كىتاپحانامەن بىرلەسىپ، كىتاپحاناشىلار كۇنىنە وراي يگى شارا ۇيىمداستىرىلىپ وتىر. كىتاپ قاي ۋاقىتتا دا قۇندىلىعىن جوعالتپاعان. الداعى ۋاقىتتا جاڭا مادەنيەت ءۇيى سالىنىپ جاتىر. جانىنان كىتاپحانا اشۋ جوسپاردا بار، –دەدى الماتى وبلىسى مادەنيەت، ارحيۆتەر جانە قۇجاتتاما باسقارماسىنىڭ باسشىسى دانيار الييەۆ.