الماتىدا ۇستەل تەننيسىنەن قىزدار اراسىندا قازاقستان چەمپيوناتى باستالدى، دەپ حابارلايدى اlmaty-akshamy.kz 24.kz-كە سىلتەمە جاساپ.
بايراقتى باسەكەدە استانا، الماتى، شىمكەنت قالاسىنان جانە 17 وبلىستان ىرىكتەلگەن سپورتشىلار ب ا ق سىناپ جاتىر. 6 كۇن بويى وتەتىن سايىستا تەننيسشىلەر كوماندالىق، جۇپتىق جانە جەكەلەي سىندا جارىسادى. مۇندا جاس شەكتەۋى جوق. 11 قاڭتاردا كوماندالىق ەسەپ بويىنشا ۇزدىكتەر انىقتالادى. ال جۇپتىق نەمەسە جەكەلەي جارىستىڭ جەڭىمپازدارى 15 قاڭتار كۇنى ماراپاتتالادى. چەمپيوناتتا توپ جارعان ۇزدىك سپورتشىلار ۇلتتىق قۇراما ساپىنا وتەدى. وسىلايشا، 16 اقپاندا وڭتۇستىك كورەيانىڭ پۋسان قالاسىندا وتەتىن الەم چەمپيوناتىندا ەل نامىسىن قورعايدى.
الەكساندر پەريەۆالوۆ، حالىقارالىق دارەجەدەگى تورەشى: - ءقازىر مۇندا وبلىستىق، قالالىق جارىستىڭ جەڭىمپازدارى ونەر كورسەتىپ جاتىر. ۇلتتىق قۇراماعا ىرىكتەۋ 4 جىل سايىن ءوتىپ تۇرادى. بۇل سپورتقا دەگەن جاستاردىڭ قىزىعۋشىلىعى جىل سايىن ارتىپ كەلەدى. ويتكەنى ۇستەل تەننيسى – قىزىق ءارى بارلىق ادامعا قولجەتىمدى سپورت ءتۇرى.