جارىسقا الەمنىڭ 28 ەلىنەن 140 اتلەت قاتىسادى.
الماتىداعى جاڭا "ADD" ۇستەل تەننيسى ورتالىعىندا 13-18 قىركۇيەك ارالىعىندا ۇستەل تەننيسىنەن "WTTContenderAlmaty" حالىقارالىق ءتۋرنيرى بولادى، دەپ حابارلايدى Almaty-akshamy.kz Inbusiness.kz سىلتەمە جاساپ.
وعان الەمنىڭ 28 ەلىنەن 140 اتلەت قاتىسادى. جۇلدە قورى 75 مىڭ دوللار بولاتىن Contender سەرياسىنىڭ الەمدىك دەڭگەيدەگى ءتۋرنيرى قازاقستاندا العاش رەت وتپەك.
"قازاقستان ۇستەل تەننيسى فەدەراسياسى ءاردايىم حالىقارالىق فەدەراسيا قامقورلىعىمەن بەدەلدى تۋرنيرلەر ۇيىمداستىرۋعا نيەتتى ەكەنىن ايتىپ كەلەدى. بۇل ءبىزدىڭ ەلىمىزدەگى ۇستەل تەننيسى بويىنشا العاشقى حالىقارالىق وقيعا ەمەس. 2017 جىلى نۇر-سۇلتان قالاسىندا الەمنىڭ ەڭ مىقتى سپورتشىلارىنىڭ قاتىسۋىمەن "ITTFWorldTourGrandFinals" حالىقارالىق ءتۋرنيرى وتكىزىلدى. وتكەن جىلى ءبىز "ITTFInternationalKazakhstanOpen" حالىقارالىق ءتۋرنيرىن وتكىزدىك. قازىرگى تۋرنير قازاقستاندىق سپورتشىلاردىڭ ءوز اۋماعىندا بەدەلدى حالىقارالىق تۋرنيرگە قاتىسۋىنىڭ بىرەگەي مۇمكىندىگىن ۇسىنادى.ءبىز حالىقارالىق فەدەراسيانىڭ بىزگە كورسەتكەن سەنىمىن جوعارى باعالايمىز جانە وسى ءتۋرنيردى جىل سايىن وتكىزۋدى جوسپارلاپ وتىرمىز"،– دەدى ۇلتتىق ۇستەل تەننيسى فەدەراسياسىنىڭ پرەزيدەنتى دانيار ءابىلعازين.
تۋرنيرگە الەمدىك ۇستەل تەننيسىنىڭ اتاقتى جۇلدىزدارى، ونىڭ ىشىندە وليمپيادا ويىندارىنىڭ بىرنەشە دۇركىن جۇلدەگەرى جانە الەم كۋبوگىنىڭ جەڭىمپازى دميتريي وۆچاروۆ (گەرمانيا)،وليمپيادا ويىندارىنىڭ قولا جۇلدەگەرى لين يۋنجۋ (جۇڭگو تايبەي)، الەم چەمپيوناتىنىڭ كۇمىس جۇلدەگەرى ماتتياس فالك (شۆەسيا)، ەۋروپا چەمپيونى، وليمپيادا ويىندارىنىڭ قولا جۇلدەگەرى دانگ سيۋ (گەرمانيا)، الەم چەمپيوناتىنىڭ قولا جۇلدەگەرى ان دجە-حەن (وڭتۇستىك كورەيا) جانە باسقالار قاتىسادى.
ITTF جانە WTT ەرەجەلەرىنە سايكەس، اتالعان تۋرنيردە قازاقستان نامىسىن 11 ەر ادام مەن 11 ايەل قورعايدى، ولاردىڭ اراسىندا قۇراما ليدەرى، ريو-2016، توكيو-2020 وليمپيادا ويىندارىنىڭ قاتىسۋشىسى جانە كوپتەگەن حالىقارالىق تۋرنيرلەردىڭ جەڭىمپازى كيريللگەراسيمەنكو، سونداي-اق حالىقارالىق جارىستاردىڭ بىرنەشە دۇركىن جۇلدەگەرى، ازيا جاسوسپىرىمدەر چەمپيوناتىنىڭ قولا جۇلدەگەرى الان قۇرمانعالييەۆ بار.
ءتۋرنيردى تىكەلەي ەفيردە "QAZSPORT" تەلەارناسى مەن ITTF حالىقارالىق فەدەراسياسىنىڭ رەسمي سايتى كورسەتەدى.