الماتىدا ۇستارا ۇرلاعان ايەل قوعامدىق جۇمىسقا تارتىلدى

سۋپەرماركەتتەن ۇستارا ۇرلاعان الماتىلىق تۇرعىن جازاسىن  50 ساعاتتىق قوعامدىق جۇمىس ىستەپ وتەيدى، دەپ حابارلايدى Almaty-akshamy.kz

Polisia.kzء-تىڭ اقپاراتىنا جۇگىنسەك، 43 جاستاعى الماتىلىق ايەل قالاداعى سۋپەرماركەتتەردىڭ بىرىندە ءجۇرىپ Gillete Mach3 كاسسەتاسىنىڭ ەكى پاكەتىن ۇرلاپ كەتكەن. قىلمىس باقىلاۋ كامەرالارىنان تۇسىرىلگەن بەينەجازبالاردى كورۋ كەزىندە جاسالعان. وسىلايشا، ايەل وسى ارەكەتىمەن سۋپەرماركەتكە جالپى سوماسى 30 مىڭعا جۋىق سوماعا ماتەريالدىق شىعىن كەلتىرگەن. 

قازاقستان رەسپۋبليكاسى قىلمىستىق كودەكسىنىڭ 187-بابىنىڭ 1-بولىگىمەن قىلمىستىق جاۋاپكەرشىلىككە تارتىلىپ، ەلۋ ساعات مەرزىمگە قوعامدىق جۇمىستارعا تارتۋ جازاسى تاعايىندالدى. ايەل سەمەي قالاسى زاتون اۋدانىنىڭ پروباسيا قىزمەتىنىڭ ەسەبىنە تۇردى، سوت شەشىمىن ورىنداۋ ءۇشىن قالانىڭ ءبىر جىلۋ ەلەكتر ورتالىعىنا قىزمەتتىك ءۇي-جايلاردى تازالاۋشى بولىپ جۇمىسقا ورنالاستى. 

«ول جاساعان قىلمىسىنا وكىنەدى جانە سوت بەلگىلەگەن ساعاتتى ادال اتقارىپ جۇمىس ىستەپ جاتىر. سوتتالعان ازاماتشا قازىرگى ۋاقىتتا اعاسىمەن بىرگە تۇرادى، نەكەدە ەمەس، بالالارى جوق»، – دەيدى  سەمەي قالاسى زاتون اۋداندىق پروباسيا قىزمەتىنىڭ باستىعى ەرىك وسەربايەۆ.