پەريناتولوگيا جانە بالالار كارديوحيرۋرگياسى ورتالىعىندا ۇشەم دۇنيەگە كەلدى، دەپ حابارلايدى اlmaty-akshamy.kz وسى ورتالىقتىڭ باسپا ءسوز قىزمەتىنە سىلتەمە جاساپ.
1600 جانە 1400 گرامم سالماقتا تۋعان نارەستەلەر كەسار ارقىلى دۇنيەگە كەلدى. بارلىق ۋاقىت بويى انا مەن ءسابيدىڭ دەنساۋلىعى قاتاڭ باقىلاۋدا بولدى.
«ءبىرىنشى قىز باستاپقىدا وزدىگىنەن تىنىس الدى، سالماعى تومەندەۋ ەكى قىز ءۇش كۇن وكپەنىڭ ءينۆازيۆتى ەمەس جەلدەتۋ اپپاراتىندا رەانيماسيادا جاتتى. جاعدايلارى تۇراقتانعاننان كەيىن ولار پاتولوگيا بولىمشەسىنە اۋىستىرىلدى. قازىرگى ۋاقىتتا سابيلەردىڭ دەنساۋلىعى جاقسى، جاعدايى تۇراقتى»، - دەيدى نارەستەلەر رەانيماسياسى بولىمشەسىنىڭ مەڭگەرۋشىسى سانيات سۇلتانوۆا.
پەريناتولوگيا جانە بالالار كارديوحيرۋرگياسى ورتالىعىندا جىل باسىنان بەرى 97 ەگىز دۇنيەگە كەلدى، ال ەندى دۇنيەگە كەلگەن ءبىر ۇشەم بار.