سوتقا دەيىنگى تەرگەۋ امالدارى جۇرگىزىلىپ جاتىر.
الماتى قالاسىندا 5-6 قاڭتاردا بولعان تارتىپسىزدىكتەر كەزىندە قارۋ ساتاتىن دۇكەندەردەن ۇرلانعان قارۋ-جاراق پارتياسى تابىلدى. بۇل تۋرالى كولىكتەگى پوليسيا دەپارتامەنتىنىڭ باستىعى وڭال بەكييەۆ ايتتى، دەپ حابارلايدى Almaty-akshamy.kz.
وڭال بەكييەۆ اتاپ وتكەندەي، الماتى اۋەجايىنداعى تارتىپسىزدىككە قاتىسقان وزبەكستاننىڭ 23 جاستاعى ازاماتى ۇرلىق جاسادى دەگەن كۇدىكپەن ۇستالىپ، تۇرعىلىقتى جەرىنەن 2 پىشاق پەن 1 پنيەۆماتيكالىق تاپانشا تاركىلەندى.
سونداي-اق پوليسەيلەر ونىڭ 43 جاستاعى سىبايلاسىن انىقتاپ، ۇستادى.ءتىنتۋ بارىسىندا پنيەۆماتيكالىق قارۋدىڭ 19 بىرلىگى مەن ولارعا ارنالعان پاتروندار، 10 پىشاق، 1 اربالەت، 6 وپتيكالىق كوزىلدىرىك جانە 3 وپتيكالىق قۇرىلعى تاركىلەدى.
«سوتقا دەيىنگى تەرگەۋ امالدارى جۇرگىزىلۋدە، كۇدىكتىلەردىڭ باسقا دا قىلمىستارعا قاتىستىلىعى تەكسەرىلىپ جاتىر»، - دەپ قورىتىندىلادى پوليسيا گەنەرال-مايورى.
سونىمەن قاتار كۇدىكتىلەردىڭ باسقا دا سىبايلاستارىن انىقتاۋ جانە ۇستاۋ شارالارى جۇرگىزىلىپ جاتىر.