وسى ماسەلە بويىنشا 166 تەكسەرىس جۇرگىزىلگەن.
كارانتين تالاپتارىن ساقتاماعان مەگاپوليس مەكتەپتەرىنە 9،8 ملن تەڭگەدەن استام ايىپپۇل سالىندى. بۇل تۋرالى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ ءبىلىم جانە تاربيە وبەكتىلەرىن باقىلاۋ جانە قاداعالاۋ بولىمىندە COVID-19 بويىنشا شەكتەۋ ءىس-شارالارىن ەنگىزۋ كەزىندە مەكتەپتەردەگى وقۋ-تاربيە ۇدەرىسىن ۇيىمداستىرۋعا مونيتورينگ پەن سانيتاريالىق-ەپيدەميولوگيالىق ساراپتاما جۇرگىزدى.
وسى ماسەلە بويىنشا 166 تەكسەرىس جۇرگىزىلدى، ونىڭ ىشىندە 87 ارنايى، 57 جوسپاردان تىس، 22 مونيتورينگ توپ قۇرامىندا تەكسەرىس جۇرگىزىلدى. تەكسەرۋ بارىسىندا كەلەسى زاڭ بۇزۋشىلىقتار انىقتالدى:
- الماتى قالاسىنىڭ 3 مەكتەبىندە ساباقتار اراسىنداعى ۇزىلىستەردىڭ نورمالانعان ۇزاقتىعى ساقتالمايدى؛
- وقۋ جوسپارى مەكتەپتەردەگى كۇندىزگى جانە اپتاداعى وقۋشىلاردىڭ اقىل-وي ارەكەتىنىڭ ديناميكاسىن ەسەپكە الماي قۇراستىرىلعان 4 مەكتەپتە، باستاۋىش سىنىپتارىندا قوسارلانعان ساباقتارعا رۇقسات ەتىلگەن 2 مەكتەپ انىقتالدى؛
- سىنىپتارداعى جاساندى جارىقتاندىرۋ دەڭگەيىنىڭ جەتكىلىكسىزدىگى، مەكتەپتەردە جانىپ كەتكەن ەلەكتر شامدارى دەر كەزىندە اۋىستىرىلمايتىن 19 مەكتەپ؛
- 2 مەكتەپتە وقۋ جيھازدارى جارتىلاي توزعان جانە اۋىستىرۋدى قاجەت ەتەدى؛
سونداي-اق مەكتەپتەردە دەزينفەكسيالاۋ رەجيمىن، ءۇي-جايلاردى جەلدەتۋ كەستەسىن بۇزۋ جانە پروفيلاكتيكالىق جانە ەپيدەمياعا قارسى ءىس-شارالاردىڭ باسقا دا بۇزۋشىلىقتارى انىقتالدى.
«انىقتالعان زاڭ بۇزۋشىلىق فاكتىلەرى بويىنشا سانيتارلىق-ەپيدەميولوگيالىق باقىلاۋ ماماندارىمەن 9 801 109 تەڭگەگە 66 ايىپپۇل سالىنىپ، 66 ۇيعارىم شىعارىلدى. مونيتورينگ توپتارىنىڭ جۇمىس ناتيجەلەرى جەرگىلىكتى اتقارۋشى ورگانداردىڭ قاراۋىنا جىبەرىلدى»، - دەپ حابارلادى دەپارتامەنتتەن.