الماتى قالاسىندا «ۇلت رۋحى - ۇرپاق مۇراتى» اتتى قازاقستاننىڭ ءى مادەنيەت فورۋمى باستالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بۇل - وسى باعىتتاعى تۇڭعىش فورۋم.
ايتۋلى فورۋمعا رەسپۋبليكانىڭ تۇكپىر-تۇكپىرىنەن 500-دەن اسا دەلەگات كەلدى. ولار - ەلىمىزدىڭ مادەنيەت، رۋحانيات سالاسىنداعى كورنەكتى تۇلعالار، ونەر ساڭلاقتارى، بەلگىلى قالامگەرلەر.
فورۋمدى ق ر مادەنيەت جانە سپورت ءمينيسترى داۋرەن ابايەۆ رەسمي تۇردە اشىپ بەرىپ، بۇگىنگى جانە بولاشاق رۋحاني باعىت-باعدارىمىزعا بايلانىستى كەلەلى بايانداما جاسادى.
«ءبىزدىڭ باستى ماقساتىمىز - كىتاپ وقيتىن قوعام قالىپتاستىرۋ، ءتىلى مەن داستۇرىنە بەرىك جاستاردىڭ قاتارىن مولايتۋ» دەگەن سالا باسشىسى الماتى شاھارىندا كۇنى بويى ءتۇرلى فورماتتا وتەتىن فورۋم جۇمىسىنا ساتتىلىك تىلەدى.