سەمينار «تەرروريزمدى قارجىلاندىرۋعا جانە اقشانى جىلىستاتۋعا قارسى ءىس-قيمىلدار كەۇ-نى باعالاۋعا فاتف تاسىلدەرى» تاقىرىبىندا ءوتتى.
قازاقستاننىڭ بارلىق وڭىرلەرىنەن كەلگەن ۇكىمەتتىك ەمەس ۇيىمداردىڭ باسشىلارى مەن وكىلدەرى الماتىدا وتكەن سەمينارعا قاتىستى، دەپ حابارلايدى Almaty-akshamy.kz.
اعىمداعى جىلدىڭ 29 ماۋسىمىندا «ازاماتتىق باستامالاردى قولداۋ ورتالىعى» كەاق جانە قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «اقپاراتتىق-رەسۋرستىق ورتالىق» (الماتى ازاماتتىق ورتالىعى) «ازاماتتىق باستامالار ورتالىعى» قب-مەن بىرلەسىپ، «ۇەۇ اكادەمياسى» جوباسى اياسىندا قازاقستاننىڭ ۇەۇ-نا ارنالعان «تەرروريزمدى قارجىلاندىرۋعا جانە اقشانى جىلىستاتۋعا قارسى ءىس-قيمىلدا كەۇ-نى باعالاۋعا فاتف تاسىلدەرى» تاقىرىبىندا سەمينار-ترەنينگ وتكىزدى.
قازاقستان حالىقارالىق قوعامداستىقتىڭ جاۋاپتى مۇشەسى بولا وتىرىپ، اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توبىنىڭ (اعىل. Financial Action Task Force - FATF ) قاعيداتتارى مەن ۇسىنىمدارىن قولدايدى جانە وسى جىلى ءتيىستى حالىقارالىق باعالاۋدان ءوتۋدى جوسپارلاپ وتىر.
فاتف 1989 جىلى «ۇلكەن جەتىلىك» ەلدەرىنىڭ شەشىمى بويىنشا قۇرىلدى جانە قازىرگى ۋاقىتتا حالىقارالىق ستاندارتتاردى ازىرلەۋمەن جانە ەنگىزۋمەن، سونداي-اق اقشانى جىلىستاتۋمەن، تەرروريزمدى قارجىلاندىرۋمەن جانە حالىقارالىق قارجى جۇيەسىنىڭ تۇتاستىعىنا وزگە دە بايلانىستى قاۋىپ-قاتەرلەرمەن كۇرەس جونىندەگى قۇقىقتىق، رەتتەۋشى جانە جەدەل شارالاردى ءتيىمدى قولدانۋعا جاردەمدەسۋمەن اينالىساتىن نەگىزگى حالىقارالىق ينستيتۋت بولىپ تابىلادى.
قازاقستاننىڭ كەۇ سەكتورى، 8 فاتف ۇسىنىمىنا سايكەس، وسى ۇسىنىمدارعا سايكەستىگىنە باعالاناتىن بولادى.
ۇەۇ كوشباسشىلارىنىڭ قارجىلىق جانە باسقارۋ ساۋاتتىلىعىن ارتتىرۋعا ارنالعان وسى سەميناردا مەملەكەتتىك ورگانداردىڭ وكىلدەرى، «ۇلتتىق جانە حالىقارالىق دامۋ باستامالارى ينستيتۋتى» قق ديرەكتورى سۆەتلانا بوريسوۆنا ۋشاكوۆا، ق ر ققا شاقىرىلعان حالىقارالىق ساراپشى اندرەي يۆانوۆيچ بوريچيەۆسكيي (بەلارۋس) نەگىزگى سپيكەرلەر بولدى. اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتىنىڭ باسقارما باسشىسى جانبوتا جولداس ۇلى قاراشولاقوۆ العى ءسوز سويلەدى.
ءوز تانىستىرىلىمىندا اندرەي بوريچيەۆسكيي فاتف-تىڭ ماڭىزى مەن قىزمەتى، كەۇ سەكتورى ءۇشىن كج/تق قارسى ءىس-قيمىل بويىنشا 8 ۇسىنىمنىڭ ءمانى تۋرالى ايتىپ، باسقا ەلدەردىڭ وسى حالىقارالىق ۇيىمنىڭ ساراپتامالىق باعالاۋىنان وتكەنى تۋرالى بىلىمدەرىمەن ءبولىستى، سونداي-اق سەمينار تىڭداۋشىلارىنىڭ سۇراقتارىنا جاۋاپ بەردى.
قورىتىندىلاي كەلە، س.ب. ۋشاكوۆا مەملەكەتتىك ورگانداردىڭ «ءۇشىنشى سەكتورلارمەن» ارىپتەستىكتە فاتف ۇسىنىمدارىن ءتيىستى تۇردە قالاي ورىنداۋ كەرەكتىگى، وسى ساياساتتى ىسكە اسىرۋ شەڭبەرىندە كەۇ/ۇەۇ-عا قانداي شارالار قولدانىلۋى مۇمكىن، بۇل ەلگە جانە ۇەۇ-عا وسى باعالاۋدان وتۋگە جانە ت. ب. مۇمكىندىك بەرەتىنى جونىندە پىكىرىمەن ءبولىستى.
سەمينار الماتى قالاسىنداعى «الماتىباسجوسپارى» عىلىمي-زەرتتەۋ ينستيتۋتىنىڭ عيماراتىندا گيبريدتىك فورماتتا ءوتتى.
سەمينارعا قازاقستاننىڭ بارلىق وڭىرلەرىنەن ۇكىمەتتىك ەمەس ۇيىمداردىڭ باسشىلارى مەن وكىلدەرى قاتىستى.
سەمينار-ترەنينگتىڭ تولىق ۆيدەوسى Facebook الەۋمەتتىك جەلىسىندە كەلەسى سىلتەمە بويىنشا كورە الاسىزدار: https://fb.watch/dZawuqV6IV/