ورتالىقتىڭ باستى ماقساتى – پوليسەيلەردىڭ كاسىبيلىگىن ارتتىرۋ.
ءىىم الماتى اكادەمياسىندا ۇيىمداسقان قىلمىسقا قارسى ءىس-قيمىل بويىنشا مامانداردى دايارلاۋ ورتالىعى اشىلدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
جاڭادان اشىلعان ۇيىمداسقان قىلمىسقا قارسى ءىس-قيمىل بويىنشا مامانداردى دايارلاۋ ورتالىعى ىشكى ىستەر ءمينيسترى مارات احمەتجانوۆتىڭ تاپسىرماسى بويىنشا اشىلعان.
وندا پوليسەيلەرگە اكادەميانىڭ بىلىكتى پروفەسسورلىق-وقىتۋشى قۇرامى اتالمىش باعىتتاعى جۇمىستىڭ داعدىلارى مەن ەرەكشەلىكتەرىن ۇيرەتەتىن بولادى. اتاپ ايتقاندا، ەلىمىزدىڭ ءار وڭىرلەرىنەن ۇيىمداسقان قىلمىستارعا قارسى ءىس-قيمىل بويىنشا پوليسيا ماماندارى بىلىكتىلىكتى ارتتىرۋ كۋرستارىنان وتەدى.
وقىتۋ ورتالىعىنىڭ باستى ماقساتتارىنىڭ ءبىرى – ۇيىمداسقان قىلمىسقا قارسى كۇرەس جۇرگىزۋ جۇمىسىندا پوليسەيلەردىڭ كاسىبيلىكتەرىن ارتتىرۋ. ءىىم ۇيىمداسقان قىلمىسقا قارسى كۇرەس دەپارتامەنتىنىڭ باستىعى قانات نۇرماعامبەتوۆ اتاپ وتكەندەي، رەسپۋبليكا بويىنشا ءتۇرلى قىلمىستىق توپتار مەن ەلەمەنتتەردى قۇرىقتاۋعا، ولاردىڭ الدىن الۋ مەن جولىن كەسۋ باعىتىندا ناقتى جۇمىستار اتقارىلۋدا.
اتالمىش ورتالىق جەدەل ۋاكىل قىزمەتكەرلەردىڭ كاسىبيلىگى مەن بىلىمدەرىن ارتتىرۋعا مۇمكىندىك بەرەدى. ءىس-شاراعا سونداي-اق الماتى قالاسى پوليسيا دەپارتامەنتىنىڭ باستىعى ارىستانعاني زاپپاروۆ جانە ق ر ءىىم الماتى اكادەمياسىنىڭ باستىعى ايدار سايتبەكوۆ قاتىستى. اشىلۋ سالتاناتىنان سوڭ، ورتالىقتا كوشى-قون بويىنشا حالىقارالىق ۇيىم ميسسياسىنىڭ جانە ورتا ازيالىق وڭىرلىك اقپاراتتىق ۇيلەستىرۋ ورتالىعىنىڭ وكىلدەرىنىڭ قاتىسۋىمەن “ۇيىمداسقان قىلمىسقا قارسى كۇرەس” تاقىرىبىندا دوڭگەلەك ۇستەل وتكىزىلدى. جيىندا الداعى ۋاقىتتاعى جۇمىستار جوسپارى مەن وقىتۋ فورماسىن جەتىلدىرۋ تۋرالى ماسەلەلەر تالقىلاندى.