الماتىدا تاعى ءبىر قىز تاياق جەگەن

قىزدىڭ تاياق جەگەن ۆيدەوسى جەلىدە تاراپ كەتتى.

دەرەك بويىنشا تەرگەۋ ارەكەتتەرى جۇرگىزىلىپ جاتىر، دەپ حابارلايدى Almaty-akshamy.kz

«ءبىزدىڭ قورعالۋشى وسى ۆيدەودان وزىنە قول كوتەرگەندەردى تانىدى. ونى دا وسىلاي اياۋسىز سوققىعا جىققان. بويجەتكەننىڭ ايتۋىنشا، قىزدار ونى ۇرىپ-سوعىپ، ەر ادامدارعا ساتامىز دەپ قورقىتقان. پوليسيا قىزمەتكەرلەرىنىڭ ايتۋىنشا، جابىرلەنۋشى تالابىمەن ءىس مۇراعاتقا جىبەرىلگەن. اۋىلدان كەلگەن قىزدار وسىلاي سەكس-قۇلدىققا تارتىلادى. الدىمەن ولاردى ۇرىپ-سوعادى، قورقىتادى، سوسىن زورلايدى، ۆيدەوعا تۇسىرەدى، ماسقارالايمىن دەپ قورقىتادى. ماسقارا بولۋدان، تاعى دا ۇرىپ-سوعىپ، قورلاۋدان قورقىپ، قىزدار وزدەرىنەن تالاپ ەتىلەتىننىڭ ءبارىن جاسايدى»، - دەلىنگەن جازبادا.

Tengrinews.kz الماتى پوليسيا دەپارتامەنتى وكىلدەرىنىڭ جاريالانعان ۆيدەوعا قاتىستى پىكىرىن جاريالادى. ۆەدومستۆودا بۇل دەرەك بويىنشا قىلمىستىق ءىس قوزعالىپ، المالى اۋداندىق پوليسيا بولىمىنە تەرگەۋ جۇرگىزىلىپ جاتقانىن حابارلادى.

«وبەكتيۆ ءمان-جايلار انىقتالىپ جاتىر. ءقازىر ءىس جۇرگىزۋ اياسىندا كەشەندىلىك، تولىقتىق جانە وبەكتيۆتىلىك قاعيداتتارى قاتاڭ ساقتالا وتىرىپ، قاجەت تەرگەۋ ارەكەتتەرى جۇرگىزىلىپ جاتىر. تەرگەۋ بارىسى الماتى قالالىق پوليسيا دەپارتامەنتىنىڭ باسقارما باسشىلىعىنىڭ باقىلاۋىندا»، - دەدى پوليسيا دەپارتامەنتىنىڭ باسپا ءسوز قىزمەتى وكىلدەرى.