الماتىدا «ۇيدە سويلە» حالىقتىق جوباسى باستالدى

جوباعا قازاقستان حالقى اسسسابلەياسى ۇيىتقى بولعان. 

قالا ورتاسىنداعى تۇرعىن ۇيلەردىڭ اۋلاسىندا وتكەن شاراعا جەرگىلىكتى تۇرعىندار مەن قوعام بەلسەندىلەرى جانە جوبا اۆتورلارى قاتىستى. «ۇيدە سويلە» جوباسىنىڭ نەگىزگى ماقساتى - قازاق ءتىلىن وقىپ ۇيرەنۋ جانە تاجىريبەدە قولدانۋ، دەپ حابارلايدى Almaty-akshamy.kz 24.kz-كە سىلتەمە جاساپ. 

ياعني وسى شارانى جۇزەگە اسىرىپ وتىرعان اسسامبلەيا جاستارى: "قازاق ءتىلىن ۇيرەنگىسى كەلەتىندەرگە الىسقا بارماي-اق ءۇيدىڭ ماڭىندا وتىرىپ قازاقشا سويلەۋگە مۇمكىندىك جاساعىمىز كەلدى"، - دەيدى.

جيىنعا كەلگەن بەلسەندىلەر قازاق تىلىندە سويلەيتىن وزگە ۇلت وكىلدەرىنە تاڭىرقاي قاراۋدىڭ كەرەگى جوق، مەملەكەتتىك ءتىلدى ءبىلۋ - قازاقستان  ازاماتتارىنىڭ مىندەتى. سوندىقتان مۇنداي جوبالاردى تەك الماتىدا عانا ەمەس، باسقا دا وڭىرلەردە جۇزەگە اسىرۋ كەرەكتىگىن ايتادى. 

«ءبىزدىڭ ەلىمىزدە باسقا ۇلتتىڭ وكىلدەرى قازاقشا سويلەسە، ءارقاشاندا بىزگە قىزىق بولادى. ونداي بولماۋ كەرەك. نەگىزگى ءبىزدىڭ مەملەكەتتىك ءتىلىمىز. مەملەكەتتىك ءتىل بولعاننان كەيىن قازاقستانىمىزدىڭ، كەڭ بايتاق  مەملەكەتىمىزدىڭ ءاربىر تۇرعىنى انا ءتىلى مەن مەملەكەتتىك ءتىلدى ءبىلۋ قاجەت»، - دەيدى قالا تۇرعىنى مانسۇر مولداقۇل.