2025 جىلى 15 شىلدەدەن جەلتوقسانعا دەيىن الماتىدا يت پەن مىسىقتى تەگىن چيپتەۋ قولعا الىندى. بۇل شارا ءۇي جانۋارىن ەسەپكە الۋ جانە قاۋىپسىزدىگىن ارتتىرۋ ماقساتىندا ۇيىمداستىرىلىپ وتىر، دەپ حابارلادى قالالىق كاسىپكەرلىك جانە ينۆەستيسيالار باسقارماسى.
باعدارلاما اياسىندا شامامەن 15 مىڭعا جۋىق جانۋاردى تەگىن چيپتەۋ جوسپارلانعان. قىزمەت قالانىڭ بارلىق تۇرعىنىنا قولجەتىمدى.
چيپتەۋدى الدىن الا WhatsApp ارقىلى جازىلىپ، كەلەسى ۆەتەرينارلىق كلينيكادا جاساۋعا بولادى:
1. «Mastino» – ەسەنبەرلين كوشەسى، 217، تەل.: 8 707 327 44 88
2. «Allvet» – تولە بي كوشەسى، 279ب، تەل.: 8 747 438 38 87
3. «Taugul Vet Boutique» – تاۋگۇل-1 شاعىناۋدانى، 47ء-ۇي، تەل.: 8 707 541 30 38
4. «ايبوليت» – اباي داڭعىلى، 26 (قازۇاۋ اۋماعى)، تەل.: 8 708 972 02 07
5. «Dog Premium» – زيمنيايا كوشەسى، 1ب، تەل.: 8 707 277 56 19
6. «Dog Premium» – گريبوەدوۆ كوشەسى، 105، تەل.: 8 707 339 33 28
7. «Vet Elite» – كۋدەرين كوشەسى، 6/2، تەل.: 8 778 241 89 82
8. «Banzai» – سەيدىمبەك كوشەسى، 26ا، تەل.: 8 707 327 01 01.
سونىمەن قاتار، ۆەتەرينار ماماندار ءۇي ارالاۋ بارىسىندا ءۇي جانۋارىن چيپتەيدى. ءۇي ارالاۋ بويىنشا وتىنىشتەر WhatsApp ارقىلى قابىلدانادى: +7 707 968 79 29.
ايتا كەتەيىك، بۇل باعدارلاما ءۇي جانۋارلارىنىڭ سانىن رەتتەۋ جانە ولاردى كۇتىپ-ۇستاۋعا جاۋاپكەرشىلىكپەن قاراۋدى قالىپتاستىرۋ شارالارىنىڭ اياسىندا جۇزەگە اسىرىلىپ جاتىر.