الماتىدا ۋچاسكەلىك پوليسيا ينسپەكتورى الىشەر بولاتحانوۆ مۇراتبايەۆا كوشەسىندەگى ۇيلەردىڭ بىرىندە تۇراتىن ەگدە جاستاعى ايەلدىڭ بىرنەشە كۇن بويى پاتەرىنەن شىقپاي، تەلەفون قوڭىراۋلارىنا جاۋاپ بەرمەي جاتقانىن بايقاپ، جەدەل ارەكەت ەتتى.
ءۇي-ۇيدى ارالاۋ بارىسىندا بۇل جاعدايعا كۋا بولعان ينسپەكتور ايەلدىڭ جالعىز تۇراتىنىن ەسكەرىپ، دەرەۋ دابىل قاقتى.
قاجەتتى قىزمەتتەرگە حابارلاسىپ، ەسىكتى اشۋعا شارا قولدانىلدى. پاتەرگە كىرگەن كەزدە 86 جاستاعى ايەل جاتىن بولمەدە ەدەندە جاتقان، ەسىن بىلگەنىمەن قوزعالا المايتىن جاعدايدا بولعان. وعان جەدەل مەديسينالىق كومەك كورسەتىلدى.
ايەل بىرنەشە كۇن بۇرىن ءوزىن ناشار سەزىنىپ، قۇلاپ قالعانى بەلگىلى بولدى. المالى اۋداندىق پوليسيا باسقارماسىنىڭ باستىعى ولجاس ءشارىپوۆ ۋچاسكەلىك ينسپەكتوردىڭ جەدەل ارەكەتى ارقاسىندا ايەلدىڭ ءومىرى مەن دەنساۋلىعىنا تونگەن ءقاۋىپتىڭ الدىن العانىن اتاپ ءوتتى. ءقازىر ايەل دارىگەرلەردىڭ باقىلاۋىندا، اۋرۋحاناعا جاتقىزىلدى.