الماتىدا ۋچاسكەلىك ينسپەكتور ەگدە جاستاعى ايەلدى ۇسىك شالۋدان امان الىپ قالدى

بۇل جولى دا الماتى قالاسى مەدەۋ اۋدانىنا قاراستى 83-ۋپپ ۋچاسكەلىك ينسپەكتورى ەرەكشەلەندى.

ول وسىدان بىرنەشە كۇن بۇرىن ارىپتەستەرىمەن بىرگە شىمبۇلاقتا سايعا قۇلاپ كەتكەن الماتىلىق ازاماتتى امان الىپ قالعان بولاتىن، دەپ حابارلايدى Almaty-akshamy.kz Polisia.kz-كە سىلتەمە جاساپ.

«مەنىڭ ۇيالى تەلەفونىما باۋ-باقشا سەرىكتەستىكتەرىنىڭ ءبىرىنىڭ تۇرعىنىنان كورشىسىنىڭ 4-5 كۇننەن بەرى ۇيدەن شىقپايتىنى تۋرالى حابارلاما كەلىپ ءتۇستى. مەن ونىڭ اپكەسىن تاپتىم، ۇيگە بىرگە باردىق، ول تاۋلى جەردە ورنالاسقان. كىرەبەرىس ەسىكتىڭ قۇلپىن سىندىردىق. ەگدە جاستاعى ايەل ەدەندە قيمىلسىز جاتتى، ۇسىك شالۋ بەلگىلەرى انىق بايقالدى. كورشىسىمەن بىرگە ايەلدى تومەنگە قاراي ابايلاپ تۇسىردىك، "جەدەل جاردەم" كەلگەنشە ازاماتتىق كولىككە وتىرعىزدىق، سودان كەيىن دارىگەرلەر ونى ءارى قاراي اۋرۋحاناعا جاتقىزۋعا الىپ كەتتى»، – دەدى ۋچاسكەلىك ينسپەكتور اسحات رىسبەكوۆ.

كەيىن بەلگىلى بولعانداي، 69 جاستاعى ايەل قۇلاپ قالىپ، وزدىگىنەن تۇرا الماي قالعان. ول ءتورت كۇن بويى قيمىلسىز جاتقان. ءقازىر دارىگەرلەر ايەلدىڭ ءومىرى ءۇشىن كۇرەسىپ جاتىر.