N16 قالالىق ەمحانادا حيرۋرگيالىق اۋرۋلار مەن جاراقاتتار كەزىندە جوعارى بىلىكتى مەديسينالىق كومەككە مۇقتاج ناۋقاستارعا قىزمەت كورسەتۋگە ارنالعان امبۋلاتوريالىق حيرۋرگيا ورتالىعى (احو) جۇمىس ىستەي باستادى، دەپ حابارلايدى Almaty-akshamy.kz.
پاسيەنتتەردى قابىلداۋدى بىلىكتى ماماندار جۇزەگە اسىرادى: ەرەسەكتەر مەن بالالار حيرۋرگى، تراۆماتولوگ، گينەكولوگ، دەرماتولوگ.
ورتالىق مەڭگەرۋشىسى، جوعارى ساناتتى حيرۋرگ دارىگەر زارقىن قاليبەكوۆتىڭ ايتۋىنشا، جاقىن ارادا بۇل ماماندارعا پروكتولوگ جانە ۋرولوگ قوسىلادى.
«ورتالىقتىڭ قۇرامىنا دارىگەرلىك قابىلداۋ كابينەتتەرى، تاڭۋ بولمەلەرى، كۇندىزگى ستاسيونارى بار وپەراسيالىق بلوك كىرەدى. بولىمشە زاماناۋي دياگنوستيكالىق جانە ەمدەۋ اپپاراتۋراسىمەن جابدىقتالعان. مۇندا بۇگىنگى تاڭدا كەلەسى اۋرۋلار بويىنشا امبۋلاتوريالىق وپەراسيالاردى جاساتۋعا بولادى: جۇمساق تىندەردىڭ ابسەسىن اشۋ جانە اعىزۋ، قىناپتىڭ زاقىمدالعان ايماعىن قول ءسىڭىرىن (گيگروما) كەسۋ، پليەۆرالىق پۋنكسيا (توراكوسەنتەز)، ءىش قۋىسىنىڭ پۋنكسياسى (لاپاروسەنتەز)، تىرناقتى، تىرناق توسەگىن، تىرناقتىڭ قالىڭداۋىن الىپ تاستاۋ، تەرى مەن تەرى استىنداعى تىندەردەن بوتەن دەنەلەردى كەسۋ نەمەسە الىپ تاستاۋ، پەريانالدى ابسەسس ديسسەكسياسى، الدىڭعى ءىش قۋىسىنىڭ وپەراسيادان كەيىنگى گرىجاسىن جويۋ، كىندىك گرىجاسىن، قيعاش جانە تىك ىشەك گرىجاسىن جويۋ، تەرى مەن تەرى استىنداعى ماي تىندەرىنىڭ وسىندىلەرىن جويۋ، جۇمساق تىندەردىڭ ابسەسىن اشۋ جانە اعىزۋ، ليپومانى، اتەرومانى الىپ تاستاۋ، فۋرۋنكۋلداردى، كاربۋنكۋلداردى، تەرى استىنداعى شىرىشتى پاراپروكتيتتەردى، بارتولينيتتەردى كەسۋ، سيركۋمسيزيانى، گيپستى يمموبيليزاسيالاۋدى، گەموررويدالدى تۇيىندەردى تاڭۋدى، اشىق جارالاردى حيرۋرگيالىق ەمدەۋ"، - دەپ اتاپ شىقتى دارىگەر ز.قاليبەكوۆ.
شۇعىل كومەك الۋ ءۇشىن پاسيەنت بىردەن ورتالىقتىڭ مامانىنا كەزەكتەن تىس جانە جازىلۋسىز جۇگىنە الاتىنىن اتاپ ءوتۋ ماڭىزدى.
احو-دا جوسپارلى مەديسينالىق كومەك الۋ ءۇشىن پاسيەنت امبۋلاتوريالىق حيرۋرگيا ورتالىعىنىڭ دارىگەرىمەن كەڭەسۋگە جىبەرەتىن جالپى تاجىريبەلىك دارىگەرگە كورىنۋى كەرەك.
العاشقى كونسۋلتاسيا ناتيجەلەرى بويىنشا احو مامانى الىنعان كلينيكالىق مالىمەتتەرگە تالداۋ جۇرگىزەدى، مەديسينالىق كورسەتكىشتەر مەن جەدەل ەمدەۋگە قارسى كورسەتكىشتەر بەلگىلەنەدى، الدىن-الا جەدەل ارالاسۋدىڭ كۇنى تاعايىندالادى. حيرۋرگيالىق ارالاسۋدىڭ الدىندا ىلەسپە پاتولوگيا بويىنشا قارسى كورسەتىلىمدەردى (پەريوپەراسيالىق تاۋەكەلدەردى) بولدىرماۋ ماقساتىندا وپەراسيا الدىنداعى تەكسەرۋ (زەرتحانالىق، فۋنكسيونالدىق، اسپاپتىق، مامانداردىڭ كونسۋلتاسياسى) جۇرگىزىلەدى. وپەراسيادان كەيىنگى كەزەڭدە پاسيەنتتەر بىرنەشە كۇن بويى وپەراسيا جاسايتىن حيرۋرگتىڭ باقىلاۋىندا بولادى، وندا ولار كۇندىزگى ستاسيونار شەڭبەرىندە بارلىق قاجەتتى مەديسينالىق كومەكتى الادى.
الماتى قالاسى قوعامدىق دەنساۋلىق ساقتاۋ باسقارماسىندا قازىرگى ۋاقىتتا قالا بويىنشا مەملەكەتتىك ەمحانالاردا 9 امبۋلاتوريالىق حيرۋرگيا ورتالىعى جۇمىس ىستەيتىنىن اتاپ ءوتتى (№4، №10، №11، №16، №26، №29، №36 قە، №7 قكا جانىنداعى ەمحانادا، اتجا ەمحاناسىندا). جاقىن ارادا تاعى ەكەۋىن اشۋ جوسپارلانعان: №14 جانە №3 ەمحانادا. امبۋلاتوريالىق حيرۋرگيا ورتالىقتارىنداعى مەديسينالىق كومەكتى دارىگەردىڭ جولداماسى بويىنشا تىركەۋگە قاراماستان الۋعا بولادى.
