شاھاردا ءاربىر اكىمشىلىك اۋماقتى قامتىپ، تۇرعىندارمەن تىعىز بايلانىس ورناتۋ جانە قالادا تۇراتىن ازاماتتاردى دەر كەزىندە ەسەپكە الۋ ماقساتىندا اۋقىمدى "ۋچاسكە" جەدەل الدىن الۋ ءىس-شاراسى ءوتىپ جاتىر، - دەپ حابارلايدى Aqshamnews.kz Polisia.kz-كە سىلتەمە جاساپ.
ءىس-شارا بارىسىندا قۇقىق بۇزۋشىلىقتىڭ الدىن الۋعا، قوعامدىق قاۋىپسىزدىكتى نىعايتۋعا جانە حالىقتىڭ پوليسياعا دەگەن سەنىمىن ارتتىرۋعا ەرەكشە كوڭىل ءبولىنىپ كەلەدى.
پوليسيا قىزمەتكەرلەرى تۇرعىن ۇيلەر مەن پاتەرلەردى ارالاپ، زاڭ نورمالارىن ءتۇسىندىرىپ، ازاماتتارعا وزەكتى ماسەلەلەردى شەشۋگە كومەكتەسۋدە. اۋەزوۆ اۋداندىق پوليسيا باسقارماسىنىڭ باستىعى دانيار مەندەبايەۆ 2025 جىل ىشكى ىستەر ورگاندارىندا پروفيلاكتيكا جىلى دەپ جاريالانعانىن ەسكە سالدى.
- ءبىزدىڭ جۇمىسىمىزدىڭ نەگىزى – "زاڭ مەن ءتارتىپ" قاعيداتى. ءبىز حالىققا بارىنشا جاقىن بولىپ، ولاردىڭ ءۇنىن ەستىپ، ءاربىر شاعىمعا جەدەل ارەكەت ەتۋىمىز قاجەت. تەك وسىلاي عانا قۇقىق بۇزۋشىلىقتىڭ ناقتى الدىن الىپ، قوعامنىڭ سەنىمىن نىعايتا الامىز، – دەدى ول.
پروفيلاكتيكا جىلىندا الماتى پوليسەيلەرى قۇقىق بۇزۋشىلىقتىڭ الدىن الۋعا جانە قوعامدىق قاۋىپسىزدىكتى كۇشەيتۋگە باسا نازار اۋدارىپ وتىر.