الماتىدا تۋىستارىنىڭ ءۇيىن توناعان ادام ۇستالدى

ۇرىلار تۇندە ءۇيدىڭ ەسىگىن اشىپ، اقشا مەن گاز تاپانشاسىن الىپ كەتكەن

الماتى قالاسىنىڭ پوليسياسى ۇيگە ۇرلىققا تۇسكەن كۇدىكتىلەردى ۇستادى. ولاردىڭ اراسىندا جابىرلەنۋشىنىڭ جاقىن تۋىسى دا بولعان دەگەن دەرەك بار. ول ازىرشە كۇدىككە ءىلىنىپ وتىر، دەپ حابارلايدى اlmaty-akshamy.kz. 

Polisia.kzء-تىڭ حابارلاۋىنشا، ۇرلىق دوستىق شاعىن اۋدانىندا بولعان. ۇرىلار تۇندە ءۇيدىڭ ەسىگىن اشىپ، اقشا مەن گاز تاپانشاسىن الىپ كەتكەن.

بۇل قىلمىستى اشۋ ماقساتىندا جەدەل-تەرگەۋ توبى قۇرىلدى. ءتورت كۇدىكتى ۇستالىپ، قاماۋعا الىندى. ولاردىڭ اراسىندا، ءۇي يەلەرىنىڭ جاقىن تۋىسى دا بار. الدىن الا مالىمەت بويىنشا، كۇدىكتىلەردىڭ ەكەۋى بۇرىن مۇلىكتىك قىلمىستار جاساعانى ءۇشىن سوتتى بولعان. ۇستالعانداردىڭ ءبارى باسقا دا قىلمىستارعا قاتىسى بولۋى مۇمكىن. سول ءۇشىن دە تەرگەلىپ جاتىر، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

پوليسيا باسشىسىنىڭ ايتۋىنشا، قازاقستان رەسپۋبليكاسى قىلمىستىق كودەكسىنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.   كونستيتۋسيانىڭ 77-بابى 3ء-بولىمى 1-تارماعى ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.