2025 جىلعى 13–20 قازان ارالىعىندا الماتى قالاسى اۋماعىندا «تۇرمىستاعى پروفيلاكتيكا» اتتى قالالىق جەدەل-الدىن الۋ ءىس-شاراسى (ءجاىش) وتكىزىلۋدە، دەپ حابارلايدى aqshamnews.kz
الاتاۋ اۋداندىق پوليسيا باسقارماسىنىڭ تۇرمىستىق زورلىق-زومبىلىقپەن كۇرەس بولىمشەسىنىڭ قىزمەتكەرلەرى اتالعان اكسياعا بەلسەندى قاتىسۋدا. ءىس-شارا اياسىندا تۇرعىندارمەن ءتۇسىندىرۋ جۇمىستارى جۇرگىزىلىپ، پروفيلاكتيكالىق ەسەپتە تۇرعان تۇلعالار تەكسەرىلۋدە. اسىرەسە، قورعاۋ نۇسقامالارى شىعارىلعان جانە ارنايى تالاپتار بەلگىلەنگەن ازاماتتارعا ەرەكشە كوڭىل بولىنۋدە.
ءىس-شارانىڭ ماقساتى — وتباسىلىق-تۇرمىستىق زورلىق-زومبىلىقتىڭ الدىن الۋ، قاقتىعىستاردى بەيبىت جولمەن شەشۋ مادەنيەتىن قالىپتاستىرۋ، حالىقتىڭ قۇقىقتىق ساۋاتتىلىعىن ارتتىرۋ.
پوليسيا قىزمەتكەرلەرى قالا تۇرعىندارى مەن قوناقتارىن كەز كەلگەن زورلىق-زومبىلىقتان اۋلاق بولۋعا، بىر-بىرىنە قۇرمەتپەن قاراۋعا جانە بارلىق ماسەلەلەردى بەيبىت تۇردە شەشۋگە شاقىرادى.
قاجەت بولعان جاعدايدا كەلەسى تەلەفوندارعا حابارلاسۋعا بولادى:
📞 102 — پوليسيا
📞 111 — بالالارعا ارنالعان سەنىم تەلەفونى
📞 150 — زورلىق-زومبىلىقتان زارداپ شەككەندەرگە ارنالعان ءبىرىڭعاي قولداۋ قىزمەتى