الماتىدا تۇركى الەمىنىڭ ەڭ كوڭىلدى ءارى تاپقىر جاستارى باس قوسقان "TurkiCUP" اتتى حالىقارالىق جايدارمان ويىنى ءوتتى، - دەپ حابارلايدى اqshamnews.kz ءتىلشىسى.
بيىل الماتى قالاسى تۇركى الەمىنىڭ جاستار استاناسى مارتەبەسىنە يە بولدى. كوڭىلدى تاپقىرلار كەشىنە قىرعىزستان، وزبەكستان، تۇركيا جانە قازاقستاننىڭ تۇكپىر-تۇكپىرىنەن كەلگەن 11 كوماندا قاتىستى.
"جايدارمانعا" ءبىزدى ەسەن اعا شاقىردى. ول "TurkiCUP" ويىنىنا تۇركى الەمىنىڭ كوماندالارى قاتىسادى دەدى. وزبەكستان، قىرعىزستان، قازاقستان، ازەربايجان ەلدەرىنەن قاتىسادى. ءبىز تۇركيا قۇراماسى رەتىندە كەلدىك. جاقسى ويىن كورسەتەمىز دەپ ويلايمىز"، – دەدى تۇركيا قۇراماسىنىڭ ويىنشىسى سەدات چيچەك.
قازىلار القاسىندا سپورت پەن مادەنيەت وكىلدەرى، سونداي-اق تانىمال بلوگەرلەر بولدى.
"بۇل ويىننىڭ بىزگە بەرەرى، ەڭ الدىمەن، تۇركى تىلدەس مەملەكەتتەر - باۋىرلاس ەلدەر. ءتىلىمىز دە ۇقساس، ءداستۇرىمىز دە ورتاق. بۇل تاجىريبە الماسۋدىڭ تاماشا الاڭى دەپ ويلايمىن. وزگە ەلدەردىڭ بەلسەندى، جالىندى جاستارى بار. سوندىقتان مۇنداي شىعارماشىلىق بايلانىستاردىڭ كەڭەيۋى تەك ءوسۋ مەن دامۋعا ىقپال ەتەدى. سول سەبەپتى مۇنداي شارالار ءجيى وتكەن سايىن جاقسى ناتيجەلەر كۇتۋگە بولادى"، – دەدى "جايدارمان" ويىندارىنىڭ قالالىق فيليالىنىڭ ديرەكتورى وڭداسىن قۇلىمبەتوۆ.
"قالا اكىمى دارحان امانگەلدى ۇلى جاستاردىڭ جاعدايىن جاقسارتۋ، ولاردىڭ الەۋەتىن ارتتىرۋ ماسەلەسىن ءاردايىم باستى نازاردا ۇستايدى. بۇگىنگى ءىس-شارا – سول تۇراقتى قولداۋدىڭ ايقىن كورىنىسى دەپ ايتۋعا بولادى"، - دەدى جاستار ساياساتى باسقارماسىنىڭ باسشىسى ازيز قاجدەنبەك.
ويىن ناتيجەسىندە باس جۇلدە مەن 1،5 ملن تەڭگە كولەمىندەگى سىياقىنى رۋدنىي كومانداسى جەڭىپ الدى. II ورىن مەن 1 ملن تەڭگەنى قىرعىزستاندىق قوس كوماندا قانجىعاسىنا بايلاسا، III ورىن تۇركيالىق ازىلكەشتەرگە بۇيىردى.