الماتى قالاسىنىڭ تۋريزم باسقارماسى قوناقجايلىلىق مادەنيەتىن نىعايتۋعا جانە تۋريستەرگە قىزمەت كورسەتۋ داعدىسىن جەتىلدىرۋگە باعىتتالعان فاسيليتاسيالىق سەسسيالار سەرياسىن ۇيىمداستىردى. وقىتۋ باعدارلاماسىنا قالا قىزمەتتەرىندە جانە تۋريزم سالاسىنداعى ۇيىمداردا جۇمىس ىستەيتىن 400-دەن استام مامان قاتىستى.
باعدارلاما بارىسىندا قاتىسۋشىلار زاماناۋي فاسيليتاسيالىق ادىستەردى مەڭگەردى، ءتيىمدى كوممۋنيكاسيا، ەموسيالىق تۇراقتىلىق جانە قوناقتارمەن كونسترۋكتيۆتى ءىس-قيمىل داعدىسىن جەتىلدىردى. العان ءبىلىم مامانداردىڭ كاسىبي دايارلىعىن كۇشەيتىپ، تۋريستكە باعىتتالعان سەرۆيستى دامىتۋعا مۇمكىندىك بەردى.
ساباقتار ينتەراكتيۆتى فورماتتا ءوتتى: توپتىق تالقىلاۋلار، تاجىريبەلىك تاپسىرمالار جانە قازاق-ورىس تىلىندە ارالاس كوماندالاردا جۇمىس جۇرگىزىلدى.
باعدارلامانى IMPER Group ديرەكتورى، باسقارۋ جونىندەگى كونسۋلتانت، كاسىپكەرلەر مەن باسشىلارعا كوۋچ الەكساندر دۋدوروۆ جۇرگىزدى. ول IAF جانە IFVP حالىقارالىق كاسىبي قاۋىمداستىقتارىنىڭ مۇشەسى.
Mastercard دەرەگىنشە، 2025 جىلى قاڭتار-قاراشا ارالىعىندا تۋريستەردىڭ جالپى قاناعاتتانۋ يندەكسى 75%-عا جەتىپ، وتكەن جىلمەن سالىستىرعاندا 6،1 پۋنكتكە جوعارى بولدى. بۇل كورسەتكىش سەرۆيستىڭ ساپاسىن ارتتىرۋ بويىنشا جۇرگىزىلىپ جاتقان جۇمىستىڭ وزەكتىلىگىن كورسەتەدى.
فاسيليتاسيالىق سەسسيالار مامانداردىڭ كاسىبي دەڭگەيىن كوتەرىپ، الماتىنىڭ اشىق، قوناقجاي جانە تۋريستەر ءۇشىن قولايلى قالا رەتىندەگى وڭ ءيميدجىن نىعايتۋعا ىقپال ەتتى.