الماتىدا تۋريستىك ماۋسىمدا قاۋىپسىزدىك شارالارى كۇشەيتىلەدى

الماتىدا تۋريستىك ماۋسىمدا قاۋىپسىزدىك شارالارى كۇشەيتىلەدى وڭىرلىك كوممۋنيكاسيالار قىزمەتى

دەمالىستىڭ سوڭى جاعىمسىز جايتتارمەن ەستە قالماس ءۇشىن  قاۋىپسىزدىكتى ساقتاۋ ەرەجەلەرىن ءبىلىپ، ساقتاۋ ماڭىزدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە قۇتقارۋشىلار ايتتى، دەپ حابارلايدى almaty-akshamy.kz


الماتى قالاسى تج جويۋ باسقارماسىنىڭ باستىعى دەنيس يارسيەۆ كەز-كەلگەن تۋريستىك ساپار ءبىرقاتار قيىندىقتارمەن بايلانىستى ەكەنىن اتاپ ءوتتى. ولار سول جەردەگى ناقتى كەدەرگىلەر دە، اۋا-رايىنىڭ كۇرت وزگەرۋى دە بولۋى مۇمكىن. 



«تابيعات اياسىنا شىعاردا ۇستىڭىزگە كيگەن كيىمدەردىڭ سوعان ساي كەلۋىنە ءمان بەرۋ كەرەك. ول ىڭعايلى بولۋى كەرەك جانە ىقتيمال قاۋىپتەردەن قورعاۋدى قامتاماسىز ەتۋى كەرەك»، - دەدى ول. 



مامان اۋا رايى بولجامىن جانە داۋىل تۋرالى ەسكەرتۋلەردىڭ ىقتيمالدىعىن ەسكەرۋدى ۇسىنادى:
- تاۋلى جەرلەردە اۋا-رايى ناشارلاعان جاعدايدا، ساپاردى باسقا كۇنگە اۋىستىرىڭىز. بۇل اشىق سۋ وبەكتىلەرىنە دە قاتىستى.
- ساپارعا شىعار ۋاقىتتى عانا ەمەس (ساپارعا تاڭەرتەڭ ەرتە شىققان دۇرىس)، سونىمەن قاتار قايتۋ ۋاقىتىن دا جوسپارلاڭىز.
 
قولايسىز اۋا رايىندا جاراقات الۋ ءقاۋپى بىرنەشە ەسە ارتادى. ەگەر تاۋدا جۇرگەندە اۋا رايى بۇزىلسا، ەڭ دۇرىسى، قالاعا ورالۋ نەمەسە تومەن تۇسە باستاۋ كەرەك. نايزاعاي كەزىندە جالعىز تۇرعان اعاشتاردىڭ استىنا جاسىرىنۋعا بولمايدى.  ەگەر ءوزىڭىزدى ناشار سەزىنىپ تۇرساڭىز، تاۋعا بارۋدى كەيىنگە قالدىرۋ كەرەك.


بريفينگكە قاتىسقان تجم رەسپۋبليكالىق جەدەل-قۇتقارۋ جاساعىنىڭ باس قۇتقارۋشىسى، كينولوگيالىق بولىمشەنىڭ مامانى دميتريي دەنيسوۆ تۋىستارىنا نەمەسە تانىستارىنا قايدا بارا جاتقانىڭىزدى حابارلاۋدى ۇسىنادى.



«ادامنىڭ قاۋىپسىزدىگى ءوزىنىڭ قولىندا. ول بۇل تۋرالى ۇنەمى ويلانۋى كەرەك. بۇل ءبىرىنشى كەزەكتەگى ماسەلە بولۋى كەرەك، ويتكەنى ەگەر بىردەڭە بولسا، قۇتقارۋشىلار بىردەن كەلمەيدى»، - دەدى ول.



تەكسەرىلگەن ورىندار مەن باعىتاردى تاڭداڭىز: 
- ءسىز باراتىن جەرىڭىزدىڭ جاي-كۇيى مەن تابيعاتتى پايدالانۋ رەجيمىن ناقتىلاڭىز. ۇلتتىق ساياباقتار، قورىقتار مەن ورمان شارۋاشىلىقتارىنا بارۋدىڭ ناقتى ەرەجەلەرى بار؛
- جەر بەدەرى مەن ءسىز بەت العان باعىت ءسىزدىڭ دايىندىق دەڭگەيىڭىزگە سايكەس كەلەتىنىنە كوز جەتكىزىڭىز. ەگەر ءسىز كۇردەلى، كوپ كۇندىك جولعا شىعۋدى جوسپارلاساڭىز، كاسىبي نۇسقاۋشىعا جۇگىنگەن ءجون؛
- ءبىر كۇندە بىرنەشە نۇكتەگە بارۋعا تىرىسپاڭىز؛
- تاۋعا جالعىز بارماڭىز، ۆيزۋالدى قولجەتىمدىلىك شەگىندە ورىنداردى تاڭداڭىز جانە تاڭدالعان نۇكتەدەن اۋىتقىماڭىز. 


سونىمەن بىرگە، قۇتقارۋشى اداسىپ قالعان جاعدايدا ءوزىن قالاي ۇستاۋ كەرەكتىگىنە كەڭەس بەردى: 
- بايلانىس بولعان جاعدايدا 112 ءنومىرى بويىنشا تجد ءبىرىڭعاي كەزەكشى-ديسپەچەرلىك قىزمەتىنە مىناداي اقپاراتتى حابارلاۋ قاجەت: قايدا، قايدان، قانشا ءجۇردى، قاي جەردەن ءوتتى، ءقازىر نە كورىپ تۇرسىز جانە ودان ءارى سۇراۋ بويىنشا. قىزمەت ق ر ءىىم تجب رەسپۋبليكالىق جەدەل-قۇتقارۋ جاساعىمەن بايلانىستىرادى. ەگەر ءسىز قوڭىراۋ شالساڭىز، ورنىڭىزدا قالىڭىز، قاجەت بولسا، وزىڭىزگە العاشقى كومەك كورسەتىڭىز جانە ءوز بەتىڭىزشە شىعۋعا تىرىسپاڭىز؛
- ەگەر بايلانىس بولماسا، جولدان شىقپاڭىز، باسقا جول ىزدەمەڭىز. جاقىن جەردە اشىق اۋماقتى تاۋىپ، سوندا بولىڭىز؛
- ەگەر وتكەن ۋاقىت بويىنشا ءسىز الىسقا ۇزاماعان بولساڭىز (ءوزىڭىزدىڭ باعالاۋىڭىز ءاردايىم وبەكتيۆتى بولا بەرمەيتىنىن ەسكەرىڭىز)، كۇندىزگى ۋاقىتتا كەلگەن سوقپاق باعىتىمەن تانىس جەرلەرگە نەمەسە بايلانىس پايدا بولعانعا دەيىن تومەن ءتۇسىڭىز. ەگەر سەنىمدى بولماساڭىز، ۇرەيلەنىپ، قورىقساڭىز – ورنىڭىزدا قالىڭىز؛
- ەگەر تۇمان تۇسسە نەمەسە قاتتى جاڭبىر جاۋسا، كۇتكەن دۇرىس؛ 
- ەگەر ءسىز اشىق جەردە بولساڭىز، قاراڭعىدا وت جاعۋعا نەمەسە فونار جاعۋعا بولادى – بۇل قۇتقارۋشىلار ءۇشىن  قوسىمشا بەلگىلەر.


تابيعات اياسىنا دەمالىسقا شىعاردا تاعى نەنى دايىنداۋ كەرەك: 
- تەلەفون مەن پاۋەبانكتى 100% زاريادتاڭىز، فونار الىڭىز؛
- سايكەس كەلەتىن اشىق ءتۇستى كيىم مەن ىڭعايلى اياق كيىمدى تاڭداڭىز، مىندەتتى تۇردە - باس كيىم جانە اۋا-رايى وزگەرگەن جاعدايدا جىلى كيىمدەر جيىنتىعى؛
- العاشقى كومەك قوبديشاسىن جيناڭىز. ەڭ از دەگەندە ونىڭ ىشىندە: انتيسەپتيك، تاڭعىش، انتيگيستاميندەر جانە دارىگەردىڭ نۇسقاۋى بويىنشا تابلەتكالار. ەڭ كوپ دەگەندە، قايدا جانە قانشالىقتى باراتىنىڭىزعا بايلانىستى. كۇننەن قورعايتىن كرەمدى، كۇيىككە قارسى قۇرالداردى جانە جاندىكتەرگە قارسى سپرەيدى، گيگيەنالىق قۇرالداردى ۇمىتپاڭىز؛
- سۋ مەن ازىق-تۇلىك قورىن دايىنداڭىز. دەمالىس كەزىندە وزىڭىزگە تانىس ەمەس تاعامداردان ءدام تاتۋعا بولمايدى، قانتتى گازدالعان سۋسىندار مەن الكوگولدىك سۋسىنداردى قولدانۋ ۇسىنىلمايدى؛
- ەگەر ءسىز جاي عانا سەرۋەندەپ، جەڭىل پيكنيكپەن شەكتەلگىڭىز كەلمەي، وت جاعۋ كەرەك بولسا، ول ءۇشىن قاجەتتى مانگال، وتىن مەن تۇتاتۋ قۇرالدارىن قامتاماسىز ەتۋىڭىز كەرەك. جەردە وت جاعۋعا بولمايدى - تەك ارنايى بەلگىلەنگەن جەرلەردە جاعۋ كەرەك. 


پيكنيككە شىققاندا، قوقىس دوربالارىن وزىڭىزبەن بىرگە الىپ ءجۇرىڭىز، سودان كەيىن ونى بۇكىل الاڭنان جيناپ جۇرمەس ءۇشىن ولارعا قوقىستى بىردەن سالىڭىز. ورماندا ءوزىڭىزدى ۇستاۋ ەرەجەلەرىن ساقتاي وتىرىپ، ءسىز تابيعاتتى عانا ەمەس، اقشاڭىزدى دا ساقتايسىز. 


قۇتقارۋشىلار قار كوشكىنىنە تۇسكەن كەزدە، ۇمىتسىزدىك پەن ۇرەيلەنبەۋدى، تىنىس الۋ ءۇشىن دۇرىس توپتاسۋدى ۇسىنادى. ونىڭ توقتاعانىن كۇتىڭىز. ەگەر قوزعالۋ مۇمكىندىگى بولسا، جوعارى قاراي جورعالاڭىز. ايقايلاماڭىز: ءسىزدى ەستۋ ەكىتالاي، ەسەسىنە ءسىز كۇشىڭىز، وتتەگى مەن جىلۋدى جوعالتاسىز.


جاياۋ سەرۋەندەۋ كەزىندە ساقتىق شارالارىن ەلەمەۋگە بولمايدى، ءتىپتى ولار سىزگە بولماشى بولىپ كورىنسە دە. تۋريستىك توپتىڭ بارلىق مۇشەلەرىنىڭ حاباردارلىعى كۇتپەگەن جاعدايلاردان اۋلاق بولۋعا، ۋاقىتتى پايدالى جانە جاعىمدى وتكىزۋگە كومەكتەسەدى.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24