الماتىدا تۋريستەردىڭ جاھاندىق قاناعاتتانشىلىق يندەكسى (GTPI)9،8% - عا ارتىپ، 76،61-گە جەتتى، دەپ حابارلايدى Almaty-akshamy.kz
تۋريستىك ەرەكشەلىكتەدى تالداۋ ولاردىڭ كوپشىلىگى الماتىعا تاۋلار مەن تابيعات ءۇشىن كەلەتىندىگىن كورسەتەدى (43%). ونەر ەكىنشى ورىندا (21%)، بەلسەندى ءومىر سالتى – 17%. ازىق-تۇلىك پەن ساۋدا سايكەسىنشە 5% جانە 3%-دى قۇرايدى. تۋريستەر ەۋروپا مەن ازيانىڭ ۇلتتىق تاعامدارىن دا، گاسترونوميالىق ارتىقشىلىقتارىن دا تاماشالاي الادى، بۇل ءاربىر كەلۋشىگە ءوز تالعامىنا ساي بىرەگەي ۇسىنىس تابۋعا مۇمكىندىك بەرەدى.
وسى جىلدىڭ ءقاڭتار-ساۋىر ايلارىندا الماتىدا بيلەتتەردى برونداۋ 69 مىڭعا دەيىن ءوستى، بۇل وتكەن جىلمەن سالىستىرعاندا 53،1% - عا ارتىق. تۋريستەردىڭ كوپشىلىگى جالعىز نەمەسە ەكەۋ بولىپ كەلەدى، ولاردىڭ قالادا بولۋىنىڭ ورتاشا ۇزاقتىعى 4-تەن 7 كۇنگە دەيىن. برونداۋ ستاتيستيكاسى بويىنشا تۇركيادان كەلگەندەر 24،3 مىڭ (+32،5%)، ودان كەيىن وڭتۇستىك كورەيا مەن ءباا كوش باستاپ تۇر.
الماتى باعىتى بويىنشا بيلەت ىزدەۋدىڭ بەلسەندى ءوسۋى ءۇندىستان، جۇڭگو جانە تۇركيادان دا بايقالادى. Mastercard مالىمەتتەرى بويىنشا، بيلەتتەردى بەلسەندى تۇردە ىزدەيتىن ءاربىر ميلليون تۇرعىنعا 526 ادام كەلەدى، بۇل بۇرناعى جىلدان 172 ادامعا كوپ، ال بيلەتتەردى ىزدەۋ ساياحاقا دەيىن 84 كۇن بۇرىن باستالادى.