تۇرعىندار باسقارۋ ورگاندارىن قۇرماسا، بۇل ۇيلەر باسقارۋسىز قالادى.
الماتىداعى تۇرعىن ۇيلەردىڭ 50 پايىزى پاتەر يەلەرى كووپەراتيۆىنەن مۇلىك يەلەرى بىرلەستىگىنە جانە جاي سەرىكتەستىككە اۋىستى. قالعان جارتىسى شىلدە ايىنا دەيىن پاتەر يەلەرى كووپەراتيۆىنەن شىعۋى ءتيىس. بۇل تۋرالى قالالىق تۇرعىن ءۇي ساياساتى باسقارماسى مالىمدەدى، دەپ حابارلايدى Almaty-akshamy.kz Almaty.tv سىلتەمە جاساپ.
الايدا باسقارۋدىڭ بۇل تۇرىنەن باس تارتۋ كەزەڭى وڭايعا سوقپايدى. سەبەبى حالىق اراسىندا مۇلىك يەلەرى بىرلەستىگى مەن جاي سەرىكتەستىكتىڭ اراجىگىن اجىراتا المايتىندار جەتەرلىك دەيدى باسقارما وكىلدەرى. وسى ورايدا جاۋاپتى ماماندار حالىقتى تولعاندىرعان سۇراقتارعا جاۋاپ بەرۋ ءۇشىن بۇگىن اشىق ەسىك كۇنىن ۇيىمداستىردى. ولار دىتتەگەن ماقساتقا جەتۋ ءۇشىن جازعا دەيىن بەلسەندى تۇردە تۇسىندىرمە جۇمىستارىن جۇرگىزەمىز دەپ وتىر.
«حالىققا كومەك، تۇسىندىرمە جۇمىستارىن جۇرگىزۋ ءۇشىن وسى شارا وتكىزىلىپ وتىر. شىلدەدەن باستاپ پيك-تەر زاڭعا سايكەس جويىلۋى كەرەك. سونىڭ ءبارىن جەتكىزىپ جاتىرمىز. ەرتەڭ پيك جويىلسا، تۇرعىندار باسقارۋ ورگاندارىن قۇرماسا، بۇل ۇيلەر باسقارۋسىز قالادى»، - دەدى تۇرعىن ءۇي ساياساتى باسقارماسىنىڭ ءبولىم باسشىسى جاندوس قايىرحانوۆ.
ال تۇرعىندار زاڭنامادا كورسەتىلگەن ەرەجەلەر قاراپايىم حالىققا تۇسىنىكسىز دەيدى. ونىڭ ۇستىنە ۇيرەنشىكتى باسقارۋ تۇرىنەن اۋىسۋ تالابىن كوپشىلىكتىڭ قابىلداۋى دا قيىن. ال تۇسىندىرمە جۇمىستارى تۇيتكىلدى ماسەلەلەردى شەشۋگە كومەكتەسەتىنىن ايتادى.
«ءبىز ءوزىمىز مۇلىك يەلەرى بىرلەستىگىن قۇردىق. مەن باسقارامىن. ءبىراق قۇجاتتاردىڭ كەيبىرىن ءالى رەتتەي الماي جاتىرمىز. سۇراقتارعا جاۋاپ الىپ، كورشىلەرىمە دە بارلىعىن ءتۇسۋىندىرۋ ءۇشىن كەلدىم»، - دەدى قالا تۇرعىنى انار بەيسەمبايەۆا.