مۇنداي سەرتيفيكات الۋشىلار قاتارىندا كوپ بالالى وتباسىلار، جەتىم بالالار، مۇگەدەكتىگى بار ازاماتتار بار.
الماتى قالاسى ءماسليحاتىنىڭ كەزەكتەن تىس سەسسياسى بارىسىندا تۇرعىن ءۇي سەرتيفيكاتتارىنىڭ جاڭا مولشەرى بەكىتىلىپ، تۇرعىن ءۇي سەرتيفيكاتتارىن الۋشىلاردىڭ ساناتتارى ايقىندالدى، دەپ حابارلايدى Almaty-akshamy.kz.
سونداي-اق، Amanat پارتياسى فيليالى بيۋروسىنىڭ شەشىمىمەن بەلگىلى جۋرناليست جانە ەكولوگ سەرگەي پونوماريەۆ الماتى قالالىق ءماسليحاتىنىڭ دەپۋتاتى بولىپ سايلاندى. سەسسيا بارىسىندا الماتى قالاسى بويىنشا تەكسەرۋ كوميسسياسىنىڭ ءتوراعاسى بەكىتىلدى، ول كاسىبي اۋديتور جانە قارجىگەر التاي بەرديكۋلوۆ بولدى.
مەملەكەت باسشىسى قاسىم-جومارت توقايەۆتىڭ تاپسىرماسى اياسىندا الماتىدا حالىقتىڭ الەۋمەتتىك وسال توپتارىن قولداۋدى كەڭەيتۋ بويىنشا كەشەندى شارالار جۇزەگە اسىرىلۋدا. الەۋمەتتىك سيپاتتاعى ماسەلەلەر الماتى اكىمدىگى ءۇشىن باسىم باعىت بولىپ تابىلادى. وسىعان بايلانىستى قالا اكىمى ەربولات دوسايەۆتىڭ ۇسىنىسى بويىنشا تۇرعىن ءۇي سەرتيفيكاتتارىنىڭ سوماسى 1 ملن تەڭگەدەن 1،5 ملن تەڭگەگە دەيىن ۇلعايتىلدى.
كەزەكتە تۇرعاندار قاتارىنان سەرتيفيكات الۋشىلار ساناتىنا كەلەسى ازاماتتار جاتادى:
- 1 جانە 2 توپتاعى مۇگەدەكتەر؛
- مۇگەدەك بالالارى بار نەمەسە ولاردى تاربيەلەۋشى وتباسىلار؛
- جەتىم بالالار جانە اتا-اناسىنىڭ قامقورلىعىنسىز قالعان بالالار؛
- كوپ بالالى وتباسىلار؛
ەستەرىڭىزگە سالا كەتەيىك، تۇرعىن ءۇي سەرتيفيكاتتارى الماتىدا الەۋمەتتىك تۇرعىن ۇيگە كەزەكتە تۇرعان ازاماتتار ءۇشىن جەڭىلدەتىلگەن يپوتەكالىق نەسيەلەۋ باعدارلاماسى اياسىندا باستاپقى جارنانىڭ ءبىر بولىگىن وتەۋ ءۇشىن قولدانىلادى.
سەسسيا Almaty.TV YouTube ارناسىندا تىكەلەي ەفيردە جانە ءماسليحاتىنىڭ YouTube، Aitube ارنالارىندا كورسەتىلدى.