الماتىدا ءتارتىپ ساقشىلارىنىڭ بالالارى اتا-انالارىنىڭ جۇمىس ورنىمەن تانىستى

قازاقستان پوليسياسىنا - 30 جىل.

اشىق ەسىك كۇندەرى ناۋقانى قازاقستان پوليسياسىنىڭ 30 جىلدىعىنا ورايلاستىرىلدى. ونىڭ بارىسىندا قالادا پوليسيا قىزمەتكەرلەرىنىڭ بالالارى اتا-انالارىنىڭ جۇمىس ورىندارىنا بارىپ، پد تاريحىمەن تانىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.

"ءىس-شارانىڭ ماقساتى – قالالىق پوليسيانىڭ وقيعاعا تولى تاريحىن وسكەلەڭ ۇرپاقتىڭ زەردەلەۋى، ىشكى ىستەر ورگاندارىنىڭ قىزمەتىن كەڭىنەن ناسيحاتتاۋ، قازاقستان رەسپۋبليكاسى پوليسيا قىزمەتكەرىنىڭ جاعىمدى بەينەسىن قالىپتاستىرۋ، ءوز حالقىنا دەگەن ماقتانىش سەزىمىن، وتانىنا دەگەن سۇيىسپەنشىلىكتى وياتۋ، قوعام يگىلىگى مەن وتاننىڭ گۇلدەنۋى ءۇشىن ەڭبەك ەتۋلەرىنە ۇلەس قوسۋ. پوليسيا قىزمەتكەرلەرىنىڭ بالالارىنا ترەناجەرلارمەن جانە توسەنىشتەرمەن جابدىقتالعان سپورت زالى كورسەتىلدى، وندا ولاردىڭ اتا-انالارى ءقاۋىپتى قىلمىسكەرلەردى ۇستاۋعا قاجەتتى سامبو ادىستەرىمەن جاتتىعادى جانە شىڭدالادى. كريميناليست ماماندار ساۋساق ءىزىن زەرتتەۋگە قاجەتتى ماتەريالداردى ساپالى جيناقتاۋ بويىنشا شەبەرلىك ساباعىن وتكىزدى"، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.