الماتىدا تۇرعىن ءۇي كەشەنى الاڭىندا توپىراقتى قادالارمەن سىناۋ جۇمىسى اياقتالدى

«قازقسعزي» اق ماماندارى تەمىربەتون قادالارىنىڭ كومەگىمەن توپىراقتىڭ ستاتيكالىق سىناقتارىن اياقتادى.

جۇمىستار گوست 5686-2020 تالاپتارىنا سايكەس دالالىق سىناۋ ادىسىمەن جەرگە باسۋ جۇكتەمەسى ارقىلى جۇرگىزىلدى. سىناقتار الداعى ۋاقىتتا كوپپاتەرلى تۇرعىن ءۇي كەشەنى، جەراستى پاركينگى بوي كوتەرەتىن الاڭدا ءوتتى، دەپ حابارلايدى Almaty-akshamy.kz.

ونەركاسىپ جانە قۇرىلىس مينيسترلىگىنىڭ مالىمەتىنشە، عيمارات تۇرعىزىپ، قۇرىلىستى جوبالاۋ جانە جۇرگىزۋ كەزىندەگى جۇمىستىڭ نەگىزگى كەزەڭى، ول – ىرگەتاسىن قالاماس بۇرىن  قادالارمەن توپىراق سىناقتارىن جۇرگىزۋ نەمەسە قادالاردىڭ جۇك كوتەرگىشتىگىن ناقتى انىقتاۋ. سونداي-اق جوبالاۋ قۇجاتتاماسىنىڭ تالاپتارعا ساي بولۋىن باقىلاۋ بولىپ تابىلادى.

دالالىق زەرتتەۋلەر مەن سىناقتار سەكتورىنىڭ مەڭگەرۋشىسى جامەك نۇركەن اتاپ وتكەندەي، توپىراقتى سىناۋ كەزەڭ-كەزەڭمەن «تابيعي» ستاتيكالىق ادىسپەن جۇرگىزىلدى. جۇكتەمە ساتىلارى ياكور ارقالىقتارى جۇيەسىنىڭ كومەگىمەن گيدراۆليكالىق دومكراتتارمەن بەلگىلەندى. جۇكتەمە مولشەرىن تىركەۋ، سونداي-اق قادالاردىڭ ىرگەتاستارىنىڭ قوزعالىسىن باقىلاۋ شارتتى تۇراقتاندىرۋدى ەسكەرە وتىرىپ، باقىلاۋدىڭ سوڭعى 2 ساعاتىندا 0،1 مم مولشەردەن اسپايتىن وتىرۋ پروسەسىندە مامانداندىرىلعان جابدىقپەن جۇزەگە اسىرىلدى. ءبىر قادانى باسۋ ءۇشىن توپىراقتى سىناۋ ۇزاقتىعى 28-30 ساعاتتى قۇرادى.

سىناقتىڭ بۇل ءتۇرى قىسىم جۇكتەمەلەرىنىڭ اسەرىنەن قادانىڭ توپىراقتاعى كەدەرگىسىن انىقتاۋدىڭ ەڭ سەنىمدى ءادىسى بولىپ تابىلادى. وسىلايشا تابيعي جاعدايدا توپىراقتى سىناۋعا مۇمكىندىك بەرەدى جانە بولاشاق قۇرىلىمنىڭ ىرگەتاسى رەتىندە قادانىڭ ناقتى جۇمىسىن مۇمكىندىگىنشە ءدال مودەلدەۋگە بولادى. وسىلايشا قادالاردىڭ جۇك كوتەرگىشتىگىن ولاردىڭ ستاتيكالىق سىناقتارىنىڭ ناتيجەلەرى بويىنشا باعالاۋ ءادىسى جەردەگى جۇك كوتەرگىشتىگىنىڭ ەسەپتىك ءمانى ەمەس، ءدال ءمانى نەگىزىندە جوبالاۋ شەشىمىن جاساۋعا مۇمكىندىك بەرەدى.