مەگاپوليستە الماتى ازاماتتىق اليانسىنىڭ ۇيىمداستىرۋىمەن "تۇراقتى دامۋ ماقساتتارىن جۇزەگە اسىرۋدىڭ قوعامدىق مونيتورينگ ورتالىعىن قۇرۋ" جوباسى بويىنشا ەسەپتىك كەزدەسۋ ءوتتى، دەپ حابارلايدى aqshamnews.kz
وعان مەملەكەتتىك ورگانداردىڭ وكىلدەرى، ۇەۇ باسشىلارى، قوعام قايراتكەرلەرى جانە ب ا ق وكىلدەرى قاتىستى.
كەزدەسۋدىڭ ماقساتى – الماتى قالاسىندا تۇراقتى دامۋ ماقساتتارىن (تدم) ىسكە اسىرۋ بويىنشا جۇرگىزىلگەن جۇمىستاردىڭ قورىتىندىسىن تالقىلاۋ جانە جوبانىڭ جەتىستىكتەرىمەن تانىسۋ بولدى.
ءىس-شارا بارىسىندا الماتى ازاماتتىق اليانسىنىڭ ءتوراعاسى، قوعامدىق كەڭەستىڭ مۇشەسى قايىرجان ءابدىحالىقوۆ قاتىسۋشىلارعا كىرىسپە ءسوز سويلەپ، بۇل جوبانىڭ الماتى قالاسىندا ازاماتتىق قوعامدى دامىتۋعا قوسقان ۇلەسىن اتاپ ءوتتى. ول تۇراقتى دامۋ ماقساتتارىنىڭ ماڭىزدى ەكەنىن جانە وسىنداي جوبالاردىڭ قوعامدى دامىتۋداعى ءرولىن ەرەكشە اتاپ كورسەتتى.
بۇل كەزدەسۋدە الماتى قالاسىنداعى ازاماتتىق قوعام ۇيىمدارىنىڭ تۇراقتى دامۋ ماقساتتارى كورسەتكىشتەرىن ورىنداۋداعى جەتىستىكتەرى عانا ەمەس، سونىمەن قاتار الداعى ۋاقىتتا شەشۋدى قاجەت ەتەتىن ماسەلەلەر دە تالقىلاندى.
كەزدەسۋ قورىتىندىسىندا قاتىسۋشىلار تۇراقتى دامۋ ماقساتتارى بويىنشا جۇمىستاردى ودان ءارى جالعاستىرۋ جانە وسى باعىتتاعى سەرىكتەستىكتى نىعايتۋ تۋرالى ورتاق پىكىرگە كەلدى.
بۇل شارا ازاماتتىق قوعامدى نىعايتۋ جانە الماتى قالاسىندا تۇراقتى دامۋ ماقساتتارىنا قول جەتكىزۋ جولىنداعى ماڭىزدى قادامداردىڭ ءبىرى رەتىندە باعالاندى.