تۇندە قالا كوشەلەرىندە بارلىعى 360 ادام جانە 460 بىرلىك ارنايى تەحنيكا جۇمىس ىستەدى.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى 10 قاڭتار ساعات 23:00-دەن 11 قاڭتار ساعات 06:00-گە دەيىن كوممۋنالدىق قىزمەتتەردىڭ كۇشەيتىلگەن رەجيمدە جۇمىس ىستەگەنىن مالىمدەدى، دەپ حابارلايدى Almaty-akshamy.kz.
جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ءۇشىن، قىزمەتكەرلەر ارنايى تەحنيكانىڭ كومەگىمەن جولداردى كوكتايعاققا قارسى ماتەريالدارمەن وڭدەدى. وسى ۋاقىتتا قالا بويىنشا قار تازالاۋشى ماشينالاردىڭ 18 كولونناسى ءجۇردى. ناتيجەسىندە 1260 تەكشە مەتر قار شىعارىلدى.
قازىرگى ۋاقىتتا قوعامدىق ورىنداردى، تروتۋارلاردى، جاياۋ جۇرگىنشىلەر جولدارىن، قوعامدىق كولىك ايالدامالارىن، جەرۇستى جانە جەراستى وتكەلدەرىن تازارتۋ جۇمىستارى جالعاسۋدا.
تۇندە قالا كوشەلەرىندە بارلىعى 360 ادام جانە 460 بىرلىك ارنايى تەحنيكا، ونىڭ ىشىندە 204 سىپىرۋ-جيناۋ ماشينالارى جۇمىس ىستەدى.
قار تولاسسىز جاۋۋدا. قالادا 15 سم قار جاۋدى، تاۋلى جەرلەردە - 20-25 سم.
