فەستيۆال ءبىر اپتاعا جالعاسادى
اتالمىش ءىس-شاراعا رەسپۋبليكالىق ءبىلىم بەرۋ سالاسىنىڭ باسشىلارى مەن مەكتەپ مۇعالىمدەرى جانە جوعارى وقۋ ورىندارىنىڭ وقىتۋشىلارى قاتىستى. جيىننىڭ ماقساتى – قازاقستاندىق مۇعالىمدەردىڭ پىكىرتالاس الاڭدارىن قۇرۋ جانە ءبىلىم بەرۋدىڭ بارلىق دەڭگەيلەرىندە ساباقتاستىقتى قامتاماسىز ەتۋ.
«پەداگوگيكاعا مەملەكەت باسشىسى ۇلكەن نازار اۋدارىپ جاتىر. سونىمەن قاتار ۇزدىكسىز ءبىلىم بەرۋ كونسەپسياسىن جۇزەگە اسىرۋ. ول ءبىزدىڭ باستى ماقساتتارىمىزدىڭ ءبىرى. وسى تۇرعىدا بىرنەشە وقۋ ورنىمەن كاسىبي بىلىكتى ارتتىرۋ بويىنشا مەموراندۋمعا قول قويدىق»، – دەدى قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى گۇلميرا قاناي.
ءبىر اپتاعا سوزىلاتىن فەستيۆال اياسىندا وتاندىق جەتەكشى ادىسكەر مۇعالىمدەر بولاشاق پەداگوگتەرگە اشىق ساباقتار مەن شەبەرلىك سىنىپتارىن وتكىزبەك.
«بۇگىنگى پەداگوگيكالىق يدەيالار فەستيۆالىندە تىڭ يدەيالار مەن وزەكتى ماسەلەلەر ايتىلادى. ءبىز قاۋىمداستىق رەتىندە رەسپۋبليكالىق كولەمدە بىرىگىپ جۇمىس ىستەۋگە دايىنبىز»، – دەدى رەسپۋبليكالىق «ءبىلىم ينۆەست» ينۆەستورلىق قاۋىمداستىعىنىڭ ۆيسە-پرەزيدەنتى كۇلاندا باتىربەكوۆا.