قىركۇيەكتىڭ 25-ىنەن باستاپ قالانىڭ بارلىق ەمحاناسىندا تۇماۋعا قارسى ەكپە ەگۋ ناۋقانى باستالادى، بۇل تۋرالى الماتى قالالىق قوعامدىق دەنساۋلىق ساقتاۋ باسقارماسى مالىمدەدى، دەپ حابارلايدى almaty-akshamy.kz
حالىقتى يممۋنداۋ ءۇشىن تۇماۋعا قارسى «گريپپول+» ۆاكسيناسىنىڭ 250 مىڭ دوزاسى ساتىپ الىندى.
«گريپپول+» يناكتيۆاسيالانعان ۆاكسينا رەسەيدە وندىرىلگەن جانە قۇرامىندا تۇماۋ ۆيرۋسىنىڭ ا (H1N1 جانە H3N2) جانە ۆ قوسالقى ءتيپىنىڭ شتامدارى بار.
ەگۋگە ءبىرىنشى كەزەكتە مەديسينا قىزمەتكەرلەرى، مەديسينالىق مەكەمەلەردە ەسەپتە تۇرعان بالالار، جەتىم جانە اتا-اناسىنىڭ قامقورلىعىنسىز قالعان بالالار، جۇكتى ايەلدەر مەن 60 جاستان اسقان ادامدار جاتادى.
نەگىزگى اۋرۋعا بايلانىستى تۇماۋدىڭ نەعۇرلىم اۋىر تۇرىنە بەيىم ادامدار دا ۆاكسيناسيالانۋى كەرەك.
ۆاكسيناسيا ناۋقانى قاراشا ايىنىڭ سوڭىنا دەيىن جالعاسادى. تۇماۋعا قارسى ەكپەدەن كەيىن تولىق يممۋنيتەتكە جەتۋ ءۇشىن ەكى اپتا قاجەت. وسى ۋاقىت ىشىندە تۇماۋ جانە باسقا ۆيرۋستىق اۋرۋ بەلگىسى بار ادامدارمەن قارىم-قاتىناستى شەكتەگەن ءجون.
دارىگەرلەر تۇماۋ اسقىنۋ مەن ءولىم قاتەرىنە بايلانىستى ءقاۋىپتى ەكەنىن ەسكە سالادى. ەگەر كەيبىر ادام تۇماۋمەن اۋىرعاندا، بىرنەشە كۇن عانا قينالسا، تۇماۋ نارەستەگە، قارت ادامعا جانە يممۋنيتەتى السىرەگەن ادامعا جۇقسا، ولاردا اۋرۋ قاتتى اسقىنىپ، ءتىپتى ولىمگە اكەلۋى مۇمكىن.
ۆاكسيناسيا تۇماۋدىڭ الدىن الۋدىڭ جانە اۋىر اسقىنۋدىڭ ءقاۋپىن ازايتۋدىڭ ەڭ جاقسى ءادىسى بولىپ قالا بەرەدى (اۋرۋ جۇققاننىڭ وزىندە دە).
تۇماۋدىڭ الدىن الۋ ءۇشىن ادامدار كوپ جينالاتىن جەرگە بارۋدى شەكتەۋ جانە ءۇي-جايدى ۇنەمى جەلدەتۋ ۇسىنىلادى. سونداي-اق، مۇمكىندىگىنشە، اۋىرعان ادامدارمەن قارىم-قاتىناستى شەكتەگەن ءجون. ەگەر تۇماۋ نەمەسە جرۆي بەلگىلەرى پايدا بولسا، دەرەۋ مەديسينالىق كومەككە جۇگىنىڭىز.