وتكەن اپتادا جرۆي جۇقتىرۋدىڭ 23 995 جاعدايى تىركەلدى، بۇل وتكەن جىلدىڭ سايكەس كەزەڭىمەن سالىستىرعاندا 28،3%-عا تومەن. اۋىرىپ جاتقانداردىڭ دەنى - بالالار (65،7%). اپتا سايىن جرۆي-مەن اۋىرۋ شامامەن 20%-عا كوبەيىپ وتىرادى. ءبىراق بۇل جەردە ايتا كەتەتىن جايت، الماتىدا ءجرۆي-دىڭ اۋىر جاعدايلارى تىركەلمەگەن. بۇل تۋرالى الماتى قالالىق قوعامدىق دەنساۋلىق ساقتاۋ دەپارتامەنتىنىڭ ەپيدەميولوگيالىق باقىلاۋ ءبولىمىنىڭ باسشىسى ۆلاديمير يۋسۋپوۆ وڭىرلىك كوممۋنيكاسيالار قىزمەتىندە وتكەن بريفينگتە ايتتى، دەپ حاباراليدى almaty-akshamy.kz
«اعىمداعى جىلى 1 قازاننان باستاپ (ەپيدەمياعا دەيىنگى ماۋسىمنىڭ باسىنان باستاپ) بۇگىنگى كۇنگە دەيىن الماتى قالاسىندا ءجىتى رەسپيراتورلىق ۆيرۋستىق ينفەكسيانىڭ 201 340 جاعدايى تىركەلدى، تۇماۋدىڭ زەرتحانالىق راستالعان 110 جاعدايى تىركەلدى، ونىڭ ىشىندە ۆ ءتيپتى ۆيرۋستى جۇقتىرۋدىڭ 109 جاعدايى جانە ا ءتيپتى (H3N2) ۆيرۋسىن جۇقتىرۋدىڭ 1 جاعدايى انىقتالدى. بارلىق ناۋقاستار قاجەتتى ەم الدى. ءولىم فاكتىسى تىركەلگەن جوق»، - دەدى ول.
جەرگىلىكتى بيۋدجەت ەسەبىنەن رەسەي فەدەراسياسىندا وندىرىلگەن «گريپپول پليۋس» ۆاكسيناسىنىڭ بارلىعى 210 000 دوزاسى ساتىپ الىندى، ونىڭ ىشىندە 210 000 ادام، ياعني قاتەرلى توپقا كىرەتىن بۇكىل حالىق ەگىلدى. بۇل توپقا دەنساۋلىق ساقتاۋ ماماندارى؛ مەديسينالىق ۇيىمداردا ديسپانسەرلىك ەسەپتە تۇرعان بالالار؛ بالالار ۇيلەرىنىڭ، سابيلەر ۇيلەرىنىڭ بالالارى، قارتتار ۇيلەرىنىڭ كونتينگەنتى؛ سونداي-اق ەپيدەميولوگيالىق كورسەتكىشتەرى بويىنشا 60 جاستان اسقان قارت ادامدار، جۇكتىلىكتىڭ 2 جانە 3 تريمەسترىندەگى جۇكتى ايەلدەر، سوزىلمالى اۋرۋلارى بار ادامدار، مەكتەپ-ينتەرناتتاردىڭ تاربيەلەنۋشىلەرى كىرەدى.
ەسكە سالايىق، تۇماۋعا قارسى ۆاكسينا دوزاسىنىڭ سانى جىل سايىن جەرگىلىكتى بيۋدجەتتەن بولىنەدى. سونىمەن بىرگە، جەكەمەنشىك مەديسينالىق ورتالىقتاردا جۇمىس بەرۋشىلەر ەسەبىنەن 9929 ادام، اقىلى نەگىزدە 3720 ادام ەگىلدى. جالپى، ەگىلگەندەردىڭ جالپى سانى 223 649 ادامدى نەمەسە الماتى قالاسى تۇرعىندارىنىڭ 10،4 پايىزىن قۇرادى»، - دەيدى ۆلاديمير يۋسۋپوۆ.
قورىتىندىلاي كەلە، سپيكەر تۇرعىندارعا جرۆي/تۇماۋمەن سىرقاتتانۋ دەڭگەيى كۇشەيگەن كەزدە سپەسيفيكالىق ەمەس پروفيلاكتيكانىڭ جالپى شارالارىن ەسكە سالدى:
- ءجىتى رەسپيراتورلىق ۆيرۋستىق ينفەكسياسى بار ناۋقاستارمەن قارىم-قاتىناستان اۋلاق بولۋ، ەگەر ول مۇمكىن بولماسا، وندا بەتپەردە كيۋ كەرەك، وكسولين جاقپا مايىن قولدانعان ءجون؛
- اۋىرعان جاعدايدا ۇيدە وتىرۋ كەرەك، ءوز بەتىنشە ەمدەلۋگە بولمايدى، مەديسينالىق قىزمەتكەردى شاقىرۋ، وتباسى ورتاسىندا نەمەسە ۇجىمدا بەتپەردە كيۋ، دارىگەردىڭ نۇسقاۋى بويىنشا ەم قابىلداۋ؛
- تۇشكىرگەندە جانە جوتەلگەندە اۋىزدى مايلىقپەن، ورامالمەن جابۋ، قولدى مۇمكىندىگىنشە ءجيى جۋۋ؛
- يممۋندىق جۇيەنى كوتەرۋ: دارىگەردىڭ ۇسىنىسى بويىنشا س ءۆيتامينىن جانە باسقا قۇرالداردى قولدانۋ؛
-اراقاشىقتىقتى ساقتاۋ، كوپشىلىك جينالاتىن ءىس-شارالارعا قاتىسۋدى ازايتۋ، اسىرەسە، جرۆي، تۇماۋ اۋرۋلارى كۇشەيگەن كەزدە، ىلعالدى تازالىق جۇرگىزۋ ارقىلى بولمەلەردى جەلدەتۋ؛
- تۇماۋمەن اۋىرعان بالالاردى مەكتەپكە، مەكتەپكە دەيىنگى مەكەمەلەرگە جىبەرمەۋ.
«وسىنداي قاراپايىم ەرەجەلەردى ۇستانۋ ارقىلى تۇماۋ جانە جرۆي جۇقتىرۋدان ساق بولۋعا بولادى»، - دەپ قورىتىندىلادى ول.