ايىپتالۋشىلار قازاقستاندا بىرنەشە ەسىرتكى زەرتحانالارىن قۇرىپ، سينتەتيكالىق ەسىرتكى جەتكىزۋشىلەرى مەن بەتبەلگى قويۋشىلاردى «جۇمىسقا» تارتۋدى كوزدەگەن.
الماتىدا ترانسۇلتتىق ۇيىمداسقان قىلمىستىق توپ مۇشەلەرىنە ۇكىم شىقتى، – دەپ حابارلايدى aqshamnews.kz Polisia.kz-كە سىلتەمە جاساپ.
ەسكە سالايىق، 2023 جىلدىڭ جازىندا ونەركاسىپتىك اۋقىمدا سينتەتيكالىق ەسىرتكى ءوندىرۋ ءۇشىن ەلگە پرەكۋرسورلاردى جەتكىزۋدى جولعا قويعان كورشىلەس مەملەكەتتەردىڭ ازاماتتارىنان تۇراتىن ترانسۇلتتىق ەسىرتكى تاسىمالى توبىنىڭ قىزمەتى توقتاتىلدى.
حالىقارالىق قىلمىستىق توپتى قولعا ءتۇسىرۋ ءىىم مەن الماتى پوليسياسىنىڭ جۇرگىزگەن جەدەل جۇمىسىنىڭ ناتيجەسىندە مۇمكىن بولدى. ءاربىر قاتىسۋشىنىڭ ءرولىن جانە باسقا دا ادامداردىڭ قاتىسۋىن انىقتاۋ ءۇشىن «ارنايى جۇك» ونىڭ بۇكىل باعىتى بويىنشا، سونىڭ ىشىندە اۋە بارلاۋىن قولدانۋ ارقىلى باقىلاندى. پرەكۋرسورلار مەن جابدىقتاردى تاسىمالداۋدى، ونىڭ ىشىندە شەكارادان ءوتۋدى قۇرىلىس ماتەريالدارى مەن تۇرمىستىق حيميا اتىن جامىلعان لوگيستيكالىق كومپانيا جۇزەگە اسىرعانى بەلگىلى بولدى.
ارنايى ءىس-شارانىڭ ءارتۇرلى كەزەڭدەرىندە پوليسيا قىزمەتكەرلەرى پرەكۋرسورلاردىڭ كونترابانداسىمەن اينالىسقان ءۇش شەتەلدىكتى ۇستادى. سوڭعى كەزەڭدە الماتىدا قالعان ايىپتالۋشىلار – كورشى ەلدىڭ ەكى ازاماتى مەن قازاقستان ازاماتى ۇستالدى، ولاردان مەفەدرون مەن شەت مەملەكەتتىڭ قۇقىق قورعاۋ ورگانى قىزمەتكەرىنىڭ جالعان كۋالىگى تاركىلەندى.
جالعا الىنعان قويمالاردى رۇقسات ەتىلگەن ءتىنتۋ بارىسىندا پسيحواكتيۆتى زاتتاردى سينتەزدەۋگە ارنالعان 1160 بوشكە ءارتۇرلى پرەكۋرسورلار، «سينتەتيكا» وندىرۋگە ارنالعان 7 قوراپ ارنايى زەرتحانالىق جابدىق، ەكى رەاكتور جانە 5 حيميالىق قۇرال-جابدىق تابىلىپ، تاركىلەندى. تاركىلەنگەن پرەكۋرسورلاردىڭ جالپى كولەمى شامامەن 73 توننانى (72،7) قۇرادى. وسىلايشا پوليسەيلەر 8 توننا سينتەتيكالىق ەسىرتكىنىڭ وندىرىسىنە توسقاۋىل قويدى. بۇل 8 ميلليون ءبىر رەتتىك دوزا. الماتى پروكۋراتۋراسىنىڭ كومەگىمەن قك-نىڭ 264-بابى (ترانسۇلتتىق ۇيىمداسقان قىلمىستىق توپ قۇرۋ جانە باسقارۋ) بويىنشا سوتقا دەيىنگى تەرگەۋ جۇرگىزىلدى.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن اتالعان ۇيىمداسقان قىلمىستىق توپتىڭ ءتورت مۇشەسى جوعارىدا اتالعان قىلمىستاردى جاساعانى ءۇشىن كىنالى دەپ تانىلىپ، 10 جىلدان 14 جىلعا دەيىن باس بوستاندىعىنان ايىرىلدى.