«الماتى جاستارى» تۇرعىن ءۇي باعدارلاماسىن قارجىلاندىرۋ جالعاسىن تاپتى
الماتىدا كۇردەلى جوندەۋدى قاجەت ەتەتىن 1500-گە جۋىق اپاتتى ءۇي بار. وعان جەرگىلىكتى بيۋدجەتتەن 30 ملرد تەڭگەگە جۋىق قاراجات بولىنەدى. بۇل تۋرالى قالا اكىمىنىڭ ورىنباسارى الىشەر ءابدىقادىروۆ ءماسليحاتتىڭ كەزەكتى سەسسياسىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەگاپوليستە توزىعى جەتكەن 1500-دەن استام پاتەرگە كۇردەلى جوندەۋ جۇمىستارىن جۇرگىزۋ جوسپاردا. بۇل ماقساتتارعا جەرگىلىكتى بيۋدجەتتەن 30 ملرد تەڭگەگە جۋىق قاراجات بولىنبەك. بۇل شارا اپاتتى جاعدايداعى، سونداي-اق «قىزىل سىزىقتىڭ» بويىندا ورنالاسقان ۇيلەردىڭ تۇرعىندارىن جەرگىلىكتى بيۋدجەت ەسەبىنەن كوشىرۋگە مۇمكىندىك بەرەدى»، - دەدى قالا اكىمىنىڭ ورىنباسارى.
سونداي-اق، تۇرعىن ءۇي تاپشىلىعىن ازايتۋ اياسىندا الەۋمەتتىك كوپقاباتتى تۇرعىن ءۇي كەشەندەرىن سالۋعا شامامەن 30 ملرد تەڭگە ءبولۋ قاراستىرىلعان.
ودان بولەك، «الماتى جاستارى» تۇرعىن ءۇي باعدارلاماسىن قارجىلاندىرۋ جالعاسىن تاپتى. بۇل ماقساتتارعا قوسىمشا 670 ملن تەڭگە ءبولۋ جوسپارلانۋدا.
«باقىتتى وتباسى» باعدارلاماسى بويىنشا كەزەكتە تۇرعان 200 ادامعا جەڭىلدەتىلگەن نەسيە بەرۋ ءۇشىن 3 ملرد تەڭگە كولەمىندە قاراجات ءبولۋ كوزدەلگەن.