دەنساۋلىق ساقتاۋ سالاسىنا قوسىمشا 6،5 ملرد تەڭگە بولىنەدى.
الداعى ۋاقىتتا الماتىنىڭ بىرنەشە اۋدانىندا وتباسىلىق-دارىگەرلىك امبۋلاتوريا بوي كوتەرەدى. بۇل تۋرالى الماتى اكىمى ەربولات دوسايەۆ ءماسليحات وتىرىسىندا ايتتى، دەپ حابارلايدى Almaty-akshamy.kz.
«دەنساۋلىق ساقتاۋ سالاسىندا 6،5 ملرد تەڭگە قاراستىرىلعان. بۇل قاراجات بالالاردىڭ شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ بولىمشەسىنىڭ قۇرىلىسىن اياقتاۋعا (1،9 ملرد. تەڭگە)، تۇركسىب، الاتاۋ، جەتىسۋ اۋداندارىندا 4 وتباسىلىق-دارىگەرلىك امبۋلاتوريا سالۋعا (850 ملن. تەڭگە)، بوستاندىق اۋدانىندا ەمحانا سالۋ ءۇشىن 2 جەر ۋچاسكەسىن (2،2 ملرد. تەڭگە) ساتىپ الۋعا، 15 دەنساۋلىق ساقتاۋ وبەكتىسىن سالۋ جانە رەكونسترۋكسيالاۋ بويىنشا جوبالاۋ-سمەتالىق قۇجاتتامانى ازىرلەۋگە (24،4 ملن. تەڭگە) باعىتتالعان»، - دەدى قالا اكىمى.
سونىمەن قاتار، اكىمنىڭ ايتۋىنشا، قالانىڭ مەديسينالىق-الەۋمەتتىك مەكەمەلەرىندە تۇراتىن پسيحونيەۆرولوگيالىق اۋرۋلارى بار ادامدار مەن جالعىزباستى زەينەتكەرلەر ءۇشىن تاماقتانۋ ساپاسىن ارتتىرىپ، راسيوننىڭ تۇرلەرىن كوبەيتۋ ءۇشىن 2020 جىلدان بەرى وزگەرمەگەن بەس مەزگىل تاماقتانۋ قۇنى 1300 تەڭگەدەن 3 000 تەڭگەگە دەيىن كوبەيتىلگەن.
بۇل ماقساتقا قوسىمشا 382 ملن تەڭگە بولىنەدى، جالپى سوماسى 1،2 ملرد تەڭگەنى قۇرايتىن بولادى.
حالىقتى الەۋمەتتىك قولداۋعا بارلىعى 2،3 ملرد تەڭگە قوسىمشا قاراجات قاراستىرىلعان.