بيۋدجەتكە ەنگىزىلگەن تۇزەتۋلەر ەڭ الدىمەن الماتى تۇرعىندارىنىڭ وتىنىشتەرى مەن تىلەكتەرىن ەسكەرە وتىرىپ، الەۋمەتتىك باسىمدىقتاردى ىسكە اسىرۋعا باعىتتالعان.
الماتى قالاسىنىڭ اكىمى ەربولات دوسايەۆتىڭ قاتىسۋىمەن اعىمداعى جىلعا ارنالعان جەرگىلىكتى بيۋدجەتتى ناقتىلاۋ جونىندە ءماسليحاتتىڭ XXII سەسسياسى ءوتتى، دەپ حابارلايدى Almaty-akshamy.kz
جاڭا وقۋ جىلىندا 3 جاڭا مەكتەپ اشۋ جوسپارلانۋدا، قالقامان شاعىن اۋدانىندا (1800 وقۋشى ورنى)، سايالى شاعىن اۋدانىندا (1800 ورىن)، توميريس شاعىن اۋدانىندا (1500 ورىن). اتالعان وقۋ ورىندارىنىڭ جۇمىس ىستەۋى ءۇشىن، ونىڭ ىشىندە مۇعالىمدەردىڭ جالاقىسىنا جىل سوڭىنا دەيىن 308 ملن تەڭگە بولىنەدى.
وقۋشى ورىندارىنىڭ تاپشىلىعىن تومەندەتۋ ماقساتىندا ناۋرىزباي، تۇركسىب جانە الاتاۋ اۋداندارىندا ءارقايسىسى 1500 ورىندى 5 مەكتەپتىڭ قۇرىلىسى جىل سوڭىنا قاراي اياقتالادى.
جەرگىلىكتى بيۋدجەتتەن قوسىمشا شىعىندارعا قارجى قاراستىرىلعان، مىسالى، كەشكى وقۋ، عىلىمي دارەجە، تالىمگەرلىك، مەكتەپكە دەيىنگى وقىتۋ، مۇعالىمدەردىڭ جالاقىسىنا جانە باسقا شىعىندارعا، پرەزيدەنتتىڭ تاپسىرماسىن ورىنداۋ ماقساتىندا Art Sport باعدارلاماسىن ودان ءارى ىسكە اسىرۋ ءۇشىن الماتىدا اعىمداعى جىلدىڭ 1 قىركۇيەگىنە دەيىن 4،5 ملرد تەڭگە ءبولۋ جوسپارلانۋدا.
كەڭەيتىلگەن مەديسينالىق كومەك كورسەتۋ ماقساتىندا تۇركسىب، الاتاۋ، جەتىسۋ اۋداندارىندا 4 وتباسىلىق-دارىگەرلىك امبۋلاتوريا سالۋعا قاراجات قاراستىرىلعان. بالالار شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ بولىمشەسىنىڭ قۇرىلىسى جالعاسۋدا.
ناۋرىزباي اۋدانىنىڭ 100 مىڭ تۇرعىنى ءۇشىن جىلۋمەن جابدىقتاۋ قۋاتىن ۇلعايتا وتىرىپ، قازاندىقتى كەڭەيتۋ اياقتالۋدا. «نۇرلى جەر» مەملەكەتتىك باعدارلاماسىن ىسكە اسىرۋ ماقساتىندا جۇمىس ىستەيتىن جاستار ءۇشىن تۇرعىن ءۇي (1050 پاتەر) ساتىپ الۋ قاراستىرىلادى.
سونىمەن قاتار، ينجەنەرلىك جەلىلەردى، جول جانە كولىك ينفراقۇرىلىمىن ودان ءارى دامىتۋ بويىنشا ناقتى شارالار كوزدەلگەن. قالا كوشەلەرىن سۋ باسۋ پروبلەمالارىن شەشۋ ماقساتىندا ارىق جەلىسىن قالپىنا كەلتىرۋ ءۇشىن قاراجات قاراستىرىلعان. قالانىڭ قوعامدىق كولىك جۇيەسىن دامىتۋ ءۇشىن 50 جاڭا تروللەيبۋس ساتىپ الىنادى.
ەرەكشە قاجەتتىلىكتەرى بار ادامداردى تەگىن تاسىمالداۋمەن (ينۆاتاكسي) قوسىمشا قامتۋ جانە كولىك سانىن ەكى ەسە – 46-دان 100-گە دەيىن ارتتىرۋ جوسپارلانۋدا.
ازاماتتاردىڭ جەكەلەگەن ساناتتارىن قولداۋ ماقساتىندا ءماسليحات 18 نوزولوگيا بويىنشا 1 ملرد تەڭگەدەن استام سومادا تەگىن مەديسينالىق كومەكتىڭ قوسىمشا كەپىلدەندىرىلگەن كولەمىن ماقۇلدادى. جوبا نەگىزىندە سيرەك كەزدەسەتىن اۋرۋلارى بار الماتى تۇرعىندارىنا دارىلىك زاتتارمەن كومەك كورسەتۋ قاراستىرىلعان.
بۇلاردان وزگە، سەسسيادا دەپۋتاتتار قۇرىلىس سالۋدا قالا قۇرىلىسى رەگلامەنتتەرىن ىسكە اسىرۋدىڭ جاڭا جوسپارىن قابىلدادى.
وزگەرىستەر مەن تولىقتىرۋلاردى ەنگىزۋدىڭ ماقساتتارى مەن مىندەتتەرى:
- جەرگىلىكتى ەرەكشەلىكتەردى ەسكەرە وتىرىپ، قالا اۋماعىنىڭ تۇراقتى دامۋ پروسەسىن تەڭگەرىمدى جانە قۇقىقتىق رەتتەۋ؛
- تۇرعىنداردىڭ ناقتى جانە كەرەك قاجەتتىلىكتەرىنە سايكەس ساپالى قالالىق ورتانى قۇرۋ مەن دامىتۋعا كەشەندى جانە جۇيەلى ءتاسىلدى قالىپتاستىرۋ؛
- ەرەكشە ساۋلەتتىك، قالا قۇرىلىستىق جانە قۇرىلىستىق رەتتەۋ ايماقتارىن بەلگىلەۋدى قامتاماسىز ەتۋ؛
- ستاندارتتاردى ەنگىزۋ، اۋماقتى ۇتىمدى جانە ءقاۋىپسىز پايدالانۋعا جانە كەيىن دە پايدالانۋعا ۇسىنىمدار مەن تالاپتار؛
وسىعان وراي، شااج، ءال-فارابي داڭعىلى، ساين جانە جاندوسوۆ كوشەلەرىنەن جوعارى تاۋ بەتكەيلەرى مەن تاۋ جىرالارىندا قالا شەكاراسىنا دەيىن كولبەۋى 15 گرادۋستان جوعارى كەز كەلگەن عيمارات سالۋعا تىيىم سالىنادى، سونداي-اق اۋىل شارۋاشىلىعى ماقساتىنداعى جەر ۋچاسكەلەرىن بولۋگە تىيىم سالىنادى، قوعامدىق تالقىلاۋدان ءوتۋ رەگلامەنتى ەنگىزىلەدى جانە 5 قاباتتان جوعارى تۇرعىن ءۇي سالعان كەزدە قالا قۇرىلىسى كەڭەسىنىڭ وڭ قورىتىندىسىن الۋ ەنگىزىلەدى.
وسىنىڭ ءبارى تاۋ بوكتەرىندەگى اۋماقتاردىڭ تىعىزدالۋىن ءارى رەتسىز قۇرىلىس سالۋدى توقتاتۋعا، تابيعي لاندشافتتى ساقتاۋعا، سونداي-اق كولىك ينفراقۇرىلىمىنا جۇكتەمەنى ازايتۋعا، ەكولوگيالىق جاعدايدى جاقسارتۋعا مۇمكىندىك بەرەدى جانە قۇرىلىس سالىنعان اۋماقتا نورماتيۆتىك قاجەتتىلىكتى ەسكەرە وتىرىپ، ءتيىستى الەۋمەتتىك ينفراقۇرىلىممەن قامتاماسىز ەتەدى.