الماتىنىڭ المالى اۋدانىندا جەدەل ۋاكىلدەر ەكى قاراقشىنى ۇستادى.
رايىمبەك داڭعىلى مەن تىلەندييەۆ كوشەسىنىڭ قيىلىسىندا، ولار، ءوتىپ بارا جاتقان 58 جاستاعى ازاماتقا شابۋىل جاساپ، جەكە مۇلكىن تارتىپ العان، دەپ حابارلايدى aqshamnews.kz.
— كۇدىكتىلەر ۇستالىپ، قاماۋعا الىندى. بۇل قىلمىستى جەدەل اشۋعا بەينەباقىلاۋ جۇيەلەرى ىقپال ەتتى. ولاردىڭ كومەگىمەن توناۋدىڭ مينۋت سايىنعى حرونولوگياسىن قۇرۋ جانە كۇدىكتىلەردىڭ ءجۇرۋ باعىتىن انىقتاۋ مۇمكىن بولدى. قازىرگى ۋاقىتتا ۇستالعانداردىڭ جەكە باسى باسقا دا ىقتيمال قىلمىستىق ەپيزودتارعا قاتىسى بار-جوعىنا تەكسەرىلۋدە، - دەدى المالى اۋداندىق پب-نا قاراستى پوليسيا ءبولىمىنىڭ باستىعى باتۋرجان ابدۋماساروۆ.
پوليسيا، الماتىدا بارلىعى 176 مىڭ 670 بەينەباقىلاۋ كامەراسى جۇمىس ىستەيتىنىن ەسكە سالدى. وتكەن جىلى ولاردىڭ كومەگىمەن 3 مىڭ قىلمىس اشىلدى، جقە بۇزۋدى قوسقاندا 3 ميلليون 728 مىڭ 094 اكىمشىلىك قۇقىق بۇزۋشىلىق انىقتالدى.