الماتىدا توعىز شەنەۋنىك جاۋاپقا تارتىلدى

باس پروكۋراتۋرا مالىمەتىنشە، 10 ادام تارتىپتىك جاۋاپكەرشىلىككە تارتىلدى، 9 مەملەكەتتىك ۇيىمنىڭ باسشىلارىنا 5 ملن تەڭگەگە ايىپپۇل سالىنىپ، اكىمشىلىك جاۋاپكەرشىلىككە تارتىلدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.

تاپسىرىس بەرۋشىلەر الەۋەتتى ءونىم بەرۋشىلەرگە جوعارى بىلىكتىلىك تالاپتارىن قويعان، كونكۋرستىق قۇجاتتامانى تولىق ۇسىنۋدى قامتاماسىز ەتپەگەن، ساتىپ الۋ ءتاسىلىن دۇرىس تاڭداماعان.

“وسى جىلدان باستاپ، مەملەكەتتىك ساتىپ الۋدى وتكىزۋدىڭ اشىقتىعى، سىبايلاس جەمقورلىق تاۋەكەلدەرىن بولدىرماۋ ماقساتىندا ساتىپ الۋ تاسىلدەرىنىڭ ءبىرى رەيتينگتىك- بالدىق جۇيە (ربج) قولدانىلادى. ول كونكۋرسقا اسەر ەتەتىن ۇسىنىستاردى، كريتەرييلەردى اۆتوماتتى تۇردە سالىستىرادى جانە جەڭىمپازدى كوميسسيانىڭ قاتىسۋىنسىز انىقتايدى، ياعني ادامي فاكتورسىز، وتىنىمدەردى ۇسىنۋ مەرزىمى اياقتالعاننان كەيىن مەملەكەتتىك ساتىپ الۋ قورىتىندىلارى تۋرالى حاتتاما قالىپتاستىرادى”، – دەپ ءتۇسىندىردى ۆەدومستۆودان.

سونىمەن قاتار، الماتى قالاسى پروكۋراتۋراسى مونيتورينگ ارقىلى تاپسىرىس بەرۋشىلەردىڭ ءبىرى اۆتوجولدار سالۋ كەزىندە ەلەكترمەن جابدىقتاۋ جەلىلەرى سالاسىندا ليسەنزيالاناتىن قىزمەتتىڭ ءبىر ءتۇرىنىڭ مىندەتتى تۇردە بولۋى تۋرالى كاسىپكەرلەرگە نەگىزسىز تالاپتار قويعانى انىقتالدى. بۇل كونكۋرس قورىتىندىلارىنا اسەر ەتۋ رەتىندە قاراستىرىلادى. پروكۋراتۋرانىڭ قاداعالاۋ اكتىسى بويىنشا كونكۋرس توقتاتىلىپ، مەملەكەتتىك ساتىپ الۋعا قاتىسۋعا الەۋەتتى ءونىم بەرۋشىلەردىڭ تەڭ شارتتارىن ساقتاي وتىرىپ، قايتادان وتكىزىلگەن.