الماتىدا تەرروريزمگە قاتىستى بار 5 ادامعا ۇكىم شىقتى، - دەپ حابارلايدى اqshamnews.kz ءتىلشىسى.
الماتى قالاسىندا، سونداي-اق جامبىل جانە باتىس قازاقستان وبلىستارىندا، استانا قالاسىندا تەرروريزمدى ناسيحاتتاپ، شەتەلدەگى سوعىس قيمىلدارى ءجۇرىپ جاتقان ايماقتارعا شىعۋعا ارەكەتتەنگەن 5 ادامعا 4 جىلدان 8 جىلعا دەيىن باس بوستاندىعىنان ايىرۋ جازاسى كەسىلدى.
الماتى وبلىسىندا تۇزەۋ مەكەمەسىندە جازاسىن وتەپ جاتقان راديكالدى يدەولوگيا جاقتاۋشىسى جاڭا قىلمىس جاساپ، تاعى دا سوتتالدى. تەرروريزمدى ناسيحاتتاپ، كىسى ولتىرۋگە ارەكەتتەنگەنى ءۇشىن وعان قوسىمشا 9 جىل تۇرمە جازاسى تاعايىندالدى.
ۇلتتىق قاۋىپسىزدىك كوميتەتى الماتىدا دا، وزگە وڭىرلەردە دە تەرروريزم مەن ءدىني ەكسترەميزمنىڭ الدىن الۋ جانە جولىن كەسۋ جۇمىستارىنىڭ جۇيەلى تۇردە جۇرگىزىلىپ جاتقانىن اتاپ ءوتتى.