الماتىدا تەرروريستەرگە قارسى وپەراسيا جالعاسىپ جاتىر. وسىعان بايلانىستى ءبىرقاتار كوشە ۋاقىتشا جابىلادى، دەپ حابارلايدى اlmaty-akshamy.kz
تەررورعا قارسى وپەراسيانىڭ جۇرگىزىلۋىنە بايلانىستى، بۇگىن 19 قاڭتار كۇنى كەلەسى ايماقتاردا جول قوزعالىسى ۋاقىتشا جابىلادى:
- ابىلاي حان كوشەسىنىڭ بويىمەن ماقاتايەۆ كوشەسىنەن بوگەنباي باتىر كوشەسىنە دەيىن، سولتۇستىك جانە وڭتۇستىك باعىتتا؛
- تولە بي داڭعىلى بويىمەن جەلتوقسان كوشەسىنەن نازاربايەۆ داڭعىلىنا دەيىن، شىعىس جانە باتىس باعىتتا؛
«ازاماتتاردان ۋاقىتشا شارالارعا تۇسىنىستىكپەن قاراۋدى، قوزعالىس باعىتىن الدىن الا رەتتەپ، جول قوزعالىسى ەرەجەلەرىن قاتاڭ ساقتاۋدى سۇرايمىز»، - دەپ حابارلادى الماتى قالالىق پوليسيا دەپارتامەنتىنەن.
ايتا كەتەيىك، الماتىدا توتەنشە جاعداي رەجيمى مەن كومەندانتتىق ساعات اياقتالدى.
الايدا الماتى اۋماعىندا انتيتەررورلىق شارا رەجيمى جانە تەرروريزم ءقاۋپىنىڭ «قىزىل» دەڭگەيى ساقتالادى.