جازىقسىز سەگىز ادام بوستاندىققا شىقتى
الماتىداعى سي-18 تەرگەۋ يزولياتورىنان تاعى 8 ادام بوساتىلدى. ولاردىڭ ءتىزىمىن «امانات» قوعامدىق كوميسسياسىنىڭ مۇشەسى ۋايس ەرسايىن ۇلى Facebook-تە جاريا ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىن الماتىداعى «سي-18» تەرگەۋ يزولياتورىنان تاعى 8 ادام بوساتىلدى.
ولار: 1. كەرىمبەك ع. 2. ەرزات ءو. 3. رىسبايەۆ س. 4. تانكيش ە. 5. جاقسىلىق ش. 6. احمەتوۆ ا. 7. قارسىبايەۆ ج. 8. تاسجۇرەكوۆ ب. وسىمەن قازىرگە دەيىن بارلىعى 50 ادام ءبىزدىڭ «امانات» كوميسسياسىنىڭ ارالاسۋىمەن بوستاندىققا جىبەرىلدى. تاعى ءبىر ادام — تيمۋر كيم كەشكە دەيىن بوساتىلاتىن بولدى»، - دەپ جازدى ۋايس ەرسايىن ۇلى.
ونىڭ ايتۋىنشا، تاعى 6 ادامنىڭ قۇجاتتارىن شىعارۋعا دايىنداپ جاتىر. بۇعان دەيىن «امانات» كوميسسياسىنىڭ ارالاسۋىمەن الماتىدا جازىقسىز قامالعان 36 ادام، ونىڭ ىشىندە ەكى بالا بوستاندىققا شىققانىن جازعانبىز.