الماتىدا «تەڭ قوعام» مۇگەدەكتەردى الەۋمەتتىك قولداۋ ورتالىعىنىڭ فيليالى اشىلادى

اۋەزوۆ اۋداندىق مۇگەدەكتەر قوعامى 1988 جىلى قۇرىلعان.

«ءۇمىت» ساڭىراۋ مۇگەدەكتەردى قولداۋ ورتالىعى» قوعامدىق قورى «نامىس» جوعارى ءبىلىمدى مۇگەدەكتەر قوعامدىق بىرلەستىگىمەن بىرلەسە وتىرىپ، اۋەزوۆ اۋدانىنداعى «تەڭ قوعام» مۇگەدەكتەردى الەۋمەتتىك قولداۋ ورتالىعىنىڭ فيليالىن اشادى، دەپ حابارلايدى Almaty-akshamy.kz. 

ءقازىر ەلىمىزدە 670 مىڭنان استام مۇمكىندىگى شەكتەۋلى جان، الماتى قالاسىندا 56 مىڭنان استام مۇمكىندىگى شەكتەۋلى جان تۇرادى.

مۇگەدەكتەر اراسىندا ولاردى قوعامعا ءتيىمدى بەيىمدەۋ ءۇشىن پسيحولوگيالىق، قۇقىقتىق قولداۋ، تۇرمىستىق، الەۋمەتتىك جانە قارجىلىق داعدىلارعا وقىتۋ قاجەت.

الماتىدا جاندوسوۆ، 69 مەكەنجايىندا اۋەزوۆ اۋدانىندا مۇمكىندىگى شەكتەۋلى جانداردى الەۋمەتتىك قولداۋ ورتالىعىنىڭ بولىمشەسى اشىلىپ جاتىر.

بۇل ورتالىقتا مۇگەدەكتەر قۇقىقتىق، پسيحولوگيالىق، الەۋمەتتىك-پەداگوگيكالىق، ءبىلىم بەرۋ جانە باسقا دا ماسەلەلەر بويىنشا اقپاراتتىق، كونسۋلتاسيالىق جانە رەسۋرستىق قولداۋ الا الادى؛

ۇيىم تۋرالى قىسقاشا مالىمەت. «ءۇمىت» مۇگەدەكتەردى قولداۋ ورتالىعى 1997 جىلى ەستىمەيتىن ازاماتتاردىڭ كۇندەلىكتى ومىردە دە، قوعامدىق ومىردە دە كەزدەسەتىن ماسەلەلەرىن شەشۋگە كومەكتەسۋ ءۇشىن قۇرىلعان.

«نامىس» جوعارى ءبىلىمى بار مۇگەدەكتەردىڭ قوعامدىق بىرلەستىگى 2002 جىلى قۇرىلعان، نەگىزگى مىندەتى مەن ماقساتى ينكليۋزيۆتى ءبىلىم بەرۋدى، سونداي-اق بارلىق ينفراقۇرىلىمعا قولجەتىمدىلىكتى قامتاماسىز ەتۋ جانە دامىتۋ بولىپ تابىلادى.

اۋەزوۆ اۋداندىق مۇگەدەكتەر قوعامى 1988 جىلى قۇرىلعان، تىرەك-قيمىل اپپاراتى مۇگەدەكتەرىنىڭ باسىن بىرىكتىرىپ، بوس ۋاقىتىن قامتاماسىز ەتۋ، ازىرلەنگەن جوسپار اياسىندا ءىس-شارالار، سپارتاكيادا، بۇقارالىق ءىس-شارالار وتكىزۋ.