قازاقستاندىق توميريس نۇرجان بارسەلونادا وتكەن Open Banc Sabadell U-14 Champion ءتۋرنيرىنىڭ جەڭىمپازى اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان تەننيس فەدەراسياسىنان ءمالىم ەتكەنىندەي، 14 جاسار قازاقستاندىق تەننيسشى فينالدا جەرگىلىكتى ويىنشىنى 6:4، 6:2 ەسەبىمەن تىزە بۇكتىردى.
چەمپيونعا سىيلىقتى كاتالونيا مەرى تاپسىرىپ، ونىڭ جەڭىسكە دەگەن جىگەرىن اتاپ ءوتىپ، جاس قازاقستاندىقتى قولداۋعا دايىن ەكەندىگىن جەتكىزدى.
وسى جەڭىسىنىڭ ارقاسىندا توميريس سەگىز ۇزدىك تەننيسشىمەن بىرگە ءساۋىر ايىندا بارسەلونادا وتەتىن جارىستا ونەر كورسەتەدى. بۇل دودا ATP 500 تۋرنيرىمەن قاتار وتەدى.