الماتىدا تەگىن زاڭ كومەگىن كورسەتۋ ورتالىعى اشىلدى

جوبانىڭ ماقساتى – قيىن جاعدايعا تاپ بولعان ازاماتتاردىڭ قۇقىقتارىن قورعاۋ.

الماتىدا قازان ايىنان باستاپ ەكى زاڭگەر-پراكتيك جانە ءبىر كەڭەسشى-كومەكشى مەگاپوليس تۇرعىندارىنا تەگىن كەڭەس بەرەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ «ەرىكتىلەر ليگاسى» قق ديرەكتورى اقنۇر وسپانوۆا مالىمدەدى، دەپ حابارلايدى Almaty-akshamy.kz

الماتىدا «زاڭ كونسۋلتاسيالارى» جوباسى ىسكە قوسىلدى، سونىڭ ارقاسىندا بارلىق تىلەك بىلدىرۋشىلەر مامانداردىڭ زاڭ كومەگىن تەگىن الا الادى. ءۇش ايدىڭ ىشىندە زاڭ كومەگى وفلاين فورماتتا 553 تۇرعىنعا كورسەتىلدى، 1102 ونلاين-كونسۋلتاسيا وتكىزىلدى.

«ءبىزدىڭ زاڭگەرلەر قابىلداۋدى تەگىن جۇرگىزەدى. جوبا تانىمال بولعان جاعدايدا ماماندار شتاتى كەڭەيتىلەدى»، - دەدى قوعامدىق قور ءتوراعاسى.

كوپ جىلدىق تاجىريبەسى بار زاڭگەرلەر ازاماتتار جۇگىنگەن كەزدە اۋىزشا جانە جازباشا كەڭەستەر بەرىپ قانا قويماي، ءىس ماتەريالدارىن زەردەلەۋگە كومەكتەسەدى، سوتتاردا ءوتىنىش بىلدىرگەندەردىڭ مۇددەلەرىن بىلدىرەدى، تالاپ ارىز جازۋعا جاردەمدەسەدى جانە باسقا دا كوپتەگەن ماسەلەلەردى شەشەدى.

الماتىلىقتار تورايعىروۆ كوشەسى، 29 مەكەنجايىنا حابارلاسا الادى. جوبا 2022 جىلدىڭ جەلتوقسانىنا دەيىن ارەكەت ەتەدى.

زاڭگەرلەر مەن جوبانى ۇيىمداستىرۋشىلار كومانداسىنىڭ بولاشاققا ۇلكەن جوسپارلارى بار. اقنۇر وسپانوۆانىڭ ماقساتى – الماتى قالاسىن عانا ەمەس، بۇكىل قازاقستاندى قامتۋ.