الماتىدا پرەزيدەنت سايلاۋى كەزەڭىندە سايلاۋ ۋچاسكەلەرىنىڭ مەكەنجايلارى مەن نومىرلەرىن تەكسەرۋ ءۇشىن تەگىن Call-ورتالىق ىسكە قوسىلدى
الماتى قالاسى بويىنشا «1315» ءبىرىڭعاي ءنومىرى بار Call-ورتالىق ىسكە قوسىلدى، ول ارقىلى 2022 جىلعى 20 قاراشادا وتەتىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا داۋىس بەرۋگە ارنالعان سايلاۋ ۋچاسكەسىنىڭ مەكەنجايى مەن ءنومىرىن تەكسەرۋگە بولادى.
بارلىق ۇيالى بايلانىس وپەراتورلارىنىڭ ابونەنتتەرى ءۇشىن قوڭىراۋ شالۋ تەگىن. Call-ورتالىقتىڭ جۇمىس ۋاقىتى – دەمالىس كۇندەرىن قوسا العاندا، كۇن سايىن ساعات 8.00-دەن 20.00-گە دەيىن.
الماتى قالاسى اكىمدىگىنىڭ «Open Almaty» قوعامدىق قابىلداۋىنىڭ سايتىندا جانە ءبىلىم باسقارماسىنىڭ مەملەكەتتىك قىزمەتتەر پورتالىندا سايلاۋشىلار تىزىمىندە ءوزىن تەكسەرۋگە مۇمكىندىك بەرەتىن سەرۆيس ەندى قولجەتىمدى.
وسىعان ۇقساس قىزمەت Telegram Bot (@almaty_sailau2022_bot) ارقىلى دا ىسكە قوسىلدى.