الماتىدا «تازا قازاقستان» جالپىۇلتتىق اكسياسى اياسىندا، «ەكورەيندجەرلەر» جاساعى قۇرىلىپ، وعان قالامىزدىڭ 1000-نان استام جاستارى قوسىلدى.
جاستاردىڭ باستاماسىن ەلىمىزگە تانىمال بلوگەرلەر مەن قوعامدىق پىكىر كوشباسشىلارى قولداپ، امباسسادور بولۋعا نيەت بىلدىرگەن. بۇل باستاما جاستاردىڭ ەكولوگيالىق ومىرگە بەلسەندى قاتىسىپ، قالامىزدىڭ تازالىعىنا ۇلەس قوسۋعا باعىتتالعان، دەپ حابارلايدى aqshamnews.kz.
«ەكورەيندجەرلەر» توبى ەكولوگيالىق اكسيالاردا، سەنبىلىكتەردە جانە اعاش وتىرعىزۋ شارالارىندا بەلسەندى قاتىسۋدى جوسپارلاپ وتىر. ولاردىڭ باستى ماقساتى — الماتىنىڭ تابيعاتىن قورعاۋ جانە قورشاعان ورتاعا قامقورلىق كورسەتۋ.
سونىمەن قاتار، «ەكورەيندجەرلەر» جاستارعا ەكولوگيا جونىندە ءبىلىم بەرۋ، تابيعاتتى قورعاۋ، جاستار اراسىندا ەكو مادەنيەتءتى دامىتۋعا باعىتتالعان سەمينارلار مەن ترەنينگتەر وتكىزۋگە نيەتتى.
«ءبىز الماتىنىڭ ەكولوگياسىن جاقسارتۋعا ءوز ۇلەسىمىزدى قوسۋ ءۇشىن وسى توپتى قۇردىق. تازا قالا — بارشاعا ورتاق مىندەت، سوندىقتان جاستاردىڭ بەلسەندىلىگى اسا ماڭىزدى. ءبىز ەكولوگيا ماسەلەلەرىنە نازار اۋدارىپ، جانە قالا جاستارىن بىزگە قوسىلۋعا شاقىرامىز»، - جاس ەكورەيندجەر
وسىلايشا «ەكورەيندجەرلەر» الماتىنىڭ تازالىعىنا بەي-جاي قارامايتىن جانداردى وزدەرىنىڭ قاتارىنا قوسىلۋعا شاقىرۋدا. ولار وزدەرىنىڭ بەلسەندىلىگىمەن ەكولوگيالىق جاعدايدى جاقسارتۋعا ۇلەس قوسىپ، قوعامعا ۇلگى بولۋعا نيەتتى.
ايتا كەتەيىك، الماتىدا «تازا قازاقستان» رەسپۋبليكالىق باعدارلاماسى مەن «الماتى – ءبىزدىڭ ورتاق ءۇيىمىز» قالالىق ناۋقانى اياسىندا 18-24 قازان ارالىعىندا حالىق اراسىندا ەكولوگيالىق مادەنيەتتى قالىپتاستىرۋعا، قالانى كورىكتەندىرۋ مەن كوگالداندىرۋعا باعىتتالعان «جارقىن كۇز» اكسياسى ءوتىپ جاتىر.
«ەكورەيندجەرلەر» قاتارىنا قوسىلۋ ءۇشىن: +7 775 462 31 40